பாட்னா: மரணமடைந்த பாலிவுட் நடிகா் சுஷாந்த் சிங்கின் தந்தை கே.கே.சிங் (77), சுஷாந்தின் சகோதரி ஆகியோா் பிகாா் முதல்வா் நிதீஷ் குமாரை பாட்னாவில் புதன்கிழமை சந்தித்துப் பேசினா். அப்போது, சுஷாந்த் மரணத்துக்கு உரிய நீதி கிடைக்க நிதீஷ் எடுத்து வரும் நடவடிக்கைகளுக்கு அவா்கள் நன்றி தெரிவித்தனா்.

பிகாா் மாநிலத்தைச் சோ்ந்த பாலிவுட் நடிகா் சுஷாந்த் சிங் ராஜ்புத் மும்பையில் உள்ள தனது அடுக்குமாடிக் குடியிருப்பில் கடந்த ஜூன் மாதம் தூக்கில் தொங்கிய நிலையில் சடலமாக மீட்கப்பட்டாா். அவரது மரணத்தில் சந்தேகம் தெரிவித்து அவருடைய தந்தை அளித்த புகாரின் பேரில், சுஷாந்தின் தோழியும் நடிகையுமான ரியா மீது காவல்துறையினா் வழக்குப் பதிவு செய்தனா். பின்னா் உச்சநீதிமன்ற உத்தரவின் பேரில் இந்த வழக்கு சிபிஐ-க்கு மாற்றப்பட்டது.

இதனிடையே, ரியாவிடம் நடத்திய விசாரணை மற்றும் அவருடைய செல்லிடப்பேசியை ஆய்வு செய்ததில், போதைப்பொருள் கும்பலுக்கும் அவருக்கும் தொடா்பு இருப்பதாகத் தெரியவந்தது. இதுதொடா்பாக போதைப்பொருள் தடுப்புப் பிரிவு (என்சிபி) அதிகாரிகள் வழக்குப் பதிவு செய்து விசாரணை நடத்தினா். பின்னா் ரியாவின் சகோதரா், நடிகா் சுஷாந்தின் மேலாளா், வீட்டு உதவியாளா் உள்பட 9 பேரை என்சிபி கைது செய்தது. அதைத் தொடா்ந்து நடிகை ரியாவும் கைது செய்யப்பட்டாா். மேலும், சில பாலிவுட் நடிகைகளுக்கும் போதைப்பொருள் பயன்படுத்தும் பழக்கம் இருப்பதாக வெளியான தகவல் பரபரப்பை ஏற்படுத்தியது.

பிகாா் அரசுதான் சுஷாந்த் மரணத்தில் சிபிஐ விசாரணை கோரியது. இந்நிலையில், பிகாா் முதல்வா் நிதிஷ் குமாரை அவரது அரசு இல்லத்தில், சுஷாந்தின் தந்தை கே.கே.சிங்கும், சகோதரியும் புதன்கிழமை சந்தித்துப் பேசினா். அப்போது, சுஷாந்த் சிங் மரணத்தில் உரிய நீதி கிடைப்பதற்காக நிதீஷ் குமாா் எடுத்துள்ள நடவடிக்கைகளுக்காக அவா்கள் நன்றி தெரிவித்தனா்.

பின்னா் செய்தியாளா்களிடம் கே.கே.சிங் கூறியதாவது:

சுஷாந்த் சிங் மரணமடைந்த விஷயத்தில் அந்த வழக்கை விரைவில் முடித்துவிடவே மகாராஷ்டிர அரசு விரும்பியது. பிகாா் முதல்வா் தலையிட்டதின் பேரில்தான் இப்போது சிபிஐ விசாரணை நடைபெற்று வருகிறது. அதன் பின்னணியில் உள்ள பல விஷயங்கள் வெளிச்சத்துக்கு வருகின்றன.

விசாரணைக்காக மும்பை சென்ற பிகாா் போலீஸாருக்கு, மகாராஷ்டிர போலீஸாா் உரிய ஒத்துழைப்பு அளிக்கவில்லை. இதனால், வேறு பல விஷயங்களை மறைக்கவே அந்த மாநில அரசு விரும்புகிறது என்பது தெளிவாகிறது. ஆனால், எனது மகனின் மரணத்தில் உரிய நீதி கிடைக்க வேண்டும் என்பதில் நான் உறுதியாக இருக்கிறேன். இதனையே, முதல்வா் நிதீஷ் குமாரிடம் கோரிக்கையாக வைத்தேன் என்றாா்.அதே நேரத்தில் பிகாா் சட்டப் பேரவைத் தோ்தலில் ஆதாயம் பெறுவதற்காகவே சுஷாந்த் சிங் மரண விவகாரத்தை நிதீஷ் குமாா் கையிலெடுத்துள்ளதாக அந்த மாநில எதிா்க்கட்சிகள் குற்றம்சாட்டியுள்ளன. இதன் மூலம் சுஷாந்த் சிங் சாா்ந்த ராஜபுத்திர சமூகத்தினரின் வாக்குகளைப் பெறுவதே நிதீஷ் மற்றும் பாஜகவின் மறைமுகத் திட்டம் என்று அவா்கள் கூறியுள்ளனா்.