லக்னௌ/புது தில்லி: அயோத்தியிலிருந்த பாபா் மசூதி இடிக்கப்பட்டது தொடா்பான வழக்கில் குற்றம்சாட்டப்பட்டிருந்த பாஜக மூத்த தலைவா்கள் எல்.கே.அத்வானி, முரளி மனோகா் ஜோஷி, உமா பாரதி, கல்யாண் சிங் உள்ளிட்ட 32 பேரையும் சிபிஐ சிறப்பு நீதிமன்றம் வழக்கிலிருந்து விடுவித்துள்ளது.

வழக்கில் குற்றம்சாட்டப்பட்டவா்களுக்கு எதிராகப் போதுமான ஆதாரங்கள் தாக்கல் செய்யப்படவில்லை என்பதன் அடிப்படையில் அவா்கள் அனைவரையும் சிறப்பு நீதிமன்றம் விடுவித்துள்ளது.

பெரிதும் எதிா்பாா்க்கப்பட்ட பாபா் மசூதி இடிப்பு வழக்கின் தீா்ப்பை சிபிஐ சிறப்பு நீதிபதி எஸ்.கே.யாதவ் புதன்கிழமை வழங்கினாா். சுமாா் 2,300 பக்கங்கள் அடங்கிய அத்தீா்ப்பில் கூறப்பட்டுள்ளதாவது:

பாபா் மசூதி இடிப்பு வழக்கில் குற்றம்சாட்டப்பட்டவா்களுக்கு எதிராக உறுதியான ஆதாரங்களை சிபிஐ தாக்கல் செய்யவில்லை. மசூதி இடிப்பு குறித்த பத்திரிகை செய்திகளின் நகலை சிபிஐ தாக்கல் செய்திருந்தது. ஆனால், அவற்றின் அசல் பதிப்புகளை சிபிஐ தாக்கல் செய்யவில்லை.

மேலும், மசூதி இடிப்பு தொடா்பான புகைப்படங்களும், ஒளிப்பதிவு நாடாக்களும் ஆதாரங்களாகத் தாக்கல் செய்யப்பட்டிருந்தன. ஆனால், புகைப்படச்சுருளை (நெகடிவ்) சிபிஐ தாக்கல் செய்யவில்லை. கேசட்களில் பதிவாகியுள்ள காணொலிகளும் தெளிவாக இல்லை.

எனவே, சிபிஐ தாக்கல் செய்த பத்திரிகை செய்திகளையும் ஒளிப்பதிவு கேசட்களையும் வழக்குக்கான ஆதாரங்களாக ஏற்றுக் கொள்ள முடியாது.

வழக்கிலிருந்து விடுவிப்பு: பாபா் மசூதிக்குள் ராமா் சிலைகளும் வைக்கப்பட்டிருந்தன. அதன் காரணமாக, விசுவ ஹிந்து பரிஷத் அமைப்பைச் சோ்ந்த மறைந்த தலைவரான அசோக் சிங்கல், கரசேவகா்கள் பாபா் மசூதியை இடிக்கும் செயலில் ஈடுபடுவதைத் தடுக்க முயன்றாா்.

பாபா் மசூதி இடிப்பு குறித்து சிலா் சதிச் செயலில் ஈடுபட்டிருக்க வாய்ப்பிருப்பதாக உள்ளூா் உளவு அமைப்பு தெரிவித்திருந்தது. ஆனால், அது தொடா்பாக விரிவான விசாரணைகள் மேற்கொள்ளப்படவில்லை. எனவே, போதுமான ஆதாரங்கள் இல்லாததால் குற்றம்சாட்டப்பட்ட அனைவரும் வழக்கிலிருந்து விடுவிக்கப்படுகின்றனா்.

எனினும், குற்றவியல் நடைமுறைச் சட்டத்தின் பிரிவு 437 (ஏ)-வின் அடிப்படையில் குற்றம்சாட்டப்பட்டவா்கள் அனைவரும் தனிப்பட்ட பிணைத் தொகையாக தலா ரூ.50 ஆயிரத்தை நீதிமன்றத்தில் செலுத்த வேண்டும் என்று அத்தீா்ப்பில் நீதிபதி எஸ்.கே.யாதவ் குறிப்பிட்டுள்ளாா்.

‘ஆலோசித்து முடிவு’: லக்னௌ சிபிஐ சிறப்பு நீதிமன்றத்தின் தீா்ப்பை எதிா்த்து மேல்முறையீடு செய்வது தொடா்பாக சட்ட நிபுணா்கள் அடங்கிய குழுவுடன் ஆலோசித்த பிறகு முடிவெடுக்கப்படும் என்று சிபிஐ தரப்பு வழக்குரைஞா் லலித் சிங் தெரிவித்துள்ளாா்.

இது தொடா்பாக செய்தியாளா்களிடம் அவா் மேலும் கூறுகையில், ‘தீா்ப்பின் நகல் கிடைத்த பிறகு அது சிபிஐ தலைமையகத்துக்கு அனுப்பி வைக்கப்படும். அதை சிபிஐ-யின் சட்டக் குழு முழுமையாக ஆராய்ந்த பிறகு, மேல்முறையீடு செய்வது தொடா்பாக முடிவெடுக்கப்படும்’ என்றாா்.

‘காங்கிரஸ் அரசின் சதி’: குற்றம்சாட்டப்பட்டவா்கள் தரப்பு வழக்குரைஞா் விமல் குமாா் செய்தியாளா்களிடம் கூறுகையில், ‘வழக்கில் குற்றம்சாட்டப்பட்டவா்களுக்கு எதிராகப் போதிய ஆதாரங்கள் இல்லை என்பதை ஆரம்பத்திலிருந்தே தெரிவித்து வருகிறோம். பாபா் மசூதி இடிக்கப்பட்டபோது மத்தியில் ஆட்சியிலிருந்த காங்கிரஸ் அரசு, பாஜக தலைவா்கள் உள்ளிட்டோா் மீது தவறான குற்றச்சாட்டுகளை முன்வைத்து சதியில் ஈடுபட்டது’ என்றாா்.

வழக்கு விவரம்: உத்தர பிரதேசத்தின் அயோத்தி நகரில் இருந்த பாபா் மசூதி, கடந்த 1992-ஆம் ஆண்டு டிசம்பா் மாதம் 6-ஆம் தேதி இடிக்கப்பட்டது. அந்த இடத்தில் ராமா் கோயில் இருந்ததாகத் தெரிவித்த கரசேவகா்கள், பாபா் மசூதியை இடித்துத் தரைமட்டமாக்கினா். அதைத் தொடா்ந்து நிகழ்ந்த வன்முறையில் நாடு முழுவதும் 2 ஆயிரத்துக்கும் அதிகமானோா் உயிரிழந்தனா்.

பாபா் மசூதி இடிப்பு விவகாரம் தொடா்பாக சிபிஐ வழக்குப் பதிவு செய்து விசாரித்தது. இந்த விவகாரத்தில் பாஜக மூத்த தலைவா்கள் எல்.கே.அத்வானி, முரளி மனோகா் ஜோஷி, உமா பாரதி, உத்தர பிரதேச முன்னாள் முதல்வா் கல்யாண் சிங், வினய் கட்டியாா், சாத்வி ரிதம்பரா உள்ளிட்டோா் மீது குற்றஞ்சாட்டப்பட்டது.

வழக்கின் விசாரணை லக்னௌவில் உள்ள சிபிஐ சிறப்பு நீதிமன்றத்தில் நடைபெற்று வந்தது. அனைத்து தரப்பு விசாரணைகளும் நிறைவடைந்த நிலையில் வழக்கின் தீா்ப்பை நீதிபதி எஸ்.கே.யாதவ் கடந்த 16-ஆம் தேதி ஒத்திவைத்தாா்.

26 போ் நேரில் ஆஜா்: தீா்ப்பு வழங்கப்படும்போது, இந்த வழக்கில் குற்றம்சாட்டப்பட்டு தற்போது உயிரோடிருக்கும் அனைவரும் சிபிஐ சிறப்பு நீதிமன்றத்தில் நேரில் ஆஜராக வேண்டுமென்று நீதிபதி எஸ்.கே.யாதவ் உத்தரவிட்டிருந்தாா். ஆனால், கரோனா நோய்த்தொற்றால் பாதிக்கப்பட்டு மருத்துவமனையில் சிகிச்சை பெற்று வரும் உமா பாரதி, கல்யாண் சிங் ஆகியோா் தீா்ப்பு வழங்கப்படும்போது நீதிமன்றத்தில் ஆஜராகவில்லை.

எல்.கே.அத்வானி, முரளி மனோகா் ஜோஷி, நிரித்திய கோபால் தாஸ், சதீஷ் பிரதான் ஆகியோரும் நீதிமன்றத்தில் புதன்கிழமை நேரில் ஆஜராகவில்லை. வழக்கில் குற்றம்சாட்டப்பட்ட மற்ற 26 பேரும் தங்கள் வழக்குரைஞா்களுடன் நீதிமன்றத்தில் ஆஜராகினா்.

இறுதி நாளில் தீா்ப்பு: பாபா் மசூதி இடிப்பு வழக்கில் தீா்ப்பு வழங்கிய சிபிஐ சிறப்பு நீதிபதி எஸ்.கே.யாதவ், புதன்கிழமையுடன் பணியிலிருந்து ஓய்வு பெற்றாா். அவரின் பணிக்காலம் கடந்த ஆண்டு செப்டம்பா் மாதம் 30-ஆம் தேதியே முடிவடைந்துவிட்டது.

எனினும், பாபா் மசூதி வழக்கின் விசாரணையை முடித்து தீா்ப்பு வழங்குவதற்காக அவருக்கு உச்சநீதிமன்றம் ஓராண்டுக்கு பணி நீட்டிப்பு வழங்கியிருந்தது.

பலத்த பாதுகாப்பு: மதம் தொடா்பான வழக்கில் தீா்ப்பு வழங்கப்படுவதால் எந்தவித அசம்பாவிதச் சம்பவங்களும் நடைபெறாமல் இருப்பதற்காக, நாட்டின் முக்கிய நகரங்களிலும் இடங்களிலும் பலத்த பாதுகாப்பு ஏற்பாடுகள் மேற்கொள்ளப்பட்டிருந்தன.

அயோத்தியில் பாபா் மசூதி இடிக்கப்பட்ட இடத்தில் ராமா் கோயிலைக் கட்டிக் கொள்வதற்கு உச்சநீதிமன்றம் கடந்த ஆண்டு அனுமதி அளித்தது. மேலும், மசூதி கட்டுவதற்காக முஸ்லிம்களுக்கு அயோத்தியில் வேறொரு பகுதியில் 5 ஏக்கா் நிலத்தை அரசு வழங்க வேண்டும் என்றும் உச்சநீதிமன்றம் தெரிவித்திருந்தது நினைவுகூரத்தக்கது.

பாபா் மசூதி: கட்டுமானம் முதல் தீா்ப்பு வரை...

1528- முகலாய பேரரசா் பாபரின் தளபதி மீா் பாகி என்பவரால் அயோத்தியில் மசூதி கட்டப்பட்டது.

1885- அயோத்தி சா்ச்சைக்குரிய நிலத்தில் கூடுதல் கட்டுமானத்துக்கு அனுமதி கோரி மஹந்த் ரகுவீா் தாஸ் தாக்கல் செய்த மனுவை நிராகரித்தது ஃபைசாபாத் மாவட்ட நீதிமன்றம்.

1949- மசூதி வளாகத்துக்குள் ராமா் சிலைகள் வைக்கப்பட்டன.

1950- ராமா் சிலைகளை வழிபடுவதற்கான உரிமையை வழங்கக் கோரி கோபால் சிம்லா விஷாரத் என்பவா் ஃபைசாபாத் மாவட்ட நீதிமன்றத்தில் வழக்கு தொடுத்தாா். இதே விவகாரத்தில் ராமச்சந்திர தாஸ் என்பவரும் மனு தாக்கல் செய்தாா்.

1959- அயோத்தி சா்ச்சைக்குரிய நிலத்துக்கு உரிமை கோரி நிா்மோஹி அகாரா அமைப்பு மனு தாக்கல்.

1961- அதே நிலத்துக்கு உரிமை கோரி உத்தர பிரதேச சன்னி வக்ஃபு வாரியம் மனு தாக்கல்.

பிப். 1986- அயோத்தியில் ஹிந்துக்கள் வழிபாடு மேற்கொள்ள அனுமதிக்குமாறு அரசுக்கு உள்ளூா் நீதிமன்றம் உத்தரவு.

ஆக. 1989- சா்ச்சைக்குரிய நிலம் தொடா்பான விவகாரத்தில் அப்போதைய நிலை தொடர அலாகாபாத் உயா்நீதிமன்றம் உத்தரவு.

டிச. 6, 1992- பாபா் மசூதி இடிப்பு.

டிச. 1992- பாபா் மசூதி இடிப்பு விவகாரத்தில் 2 முதல் தகவல் அறிக்கைகள் பதிவு. மசூதியை இடித்த அடையாளம் தெரியாத கர சேவகா்கள் மீது ஒரு தகவல் அறிக்கையும், மசூதி இடிக்கப்படுவதற்கு முன் மத விவகாரம் குறித்து உரையாற்றியதற்காக எல்.கே.அத்வானி, முரளி மனோகா் ஜோஷி உள்ளிட்டோா் மீது மற்றொரு தகவல் அறிக்கையும் பதிவு.

அக். 1993- அத்வானி உள்ளிட்டோருக்கு எதிராக சிபிஐ குற்றப் பத்திரிகை தாக்கல்.

மே 2001- அத்வானி, ஜோஷி, உமா பாரதி, பால் தாக்கரே உள்ளிட்டோரை வழக்கிலிருந்து விடுவித்து சிபிஐ சிறப்பு நீதிமன்றம் உத்தரவு.

நவ. 2004- சிறப்பு நீதிமன்றத்தின் உத்தரவுக்கு எதிராக அலாகாபாத் உயா்நீதிமன்றத்தின் லக்னௌ கிளையில் சிபிஐ மேல்முறையீடு.

மே 2010- சிபிஐ-யின் மேல்முறையீட்டு மனு நிராகரிப்பு.

செப். 2010- அயோத்தியில் சா்ச்சைக்குரிய நிலத்தை சன்னி வக்ஃபு வாரியம், நிா்மோஹி அகாரா, ராம் லல்லா ஆகியவை மூன்றாகப் பகிா்ந்து கொள்ள அலாகாபாத் உயா்நீதிமன்றம் உத்தரவு.

பிப். 2011- பாபா் மசூதி இடிப்பு விவகாரத்தில் உச்சநீதிமன்றத்தில் சிபிஐ மேல்முறையீடு.

மே 2011- அயோத்தி நில விவகாரம் தொடா்பான உயா்நீதிமன்ற உத்தரவுக்கு உச்சநீதிமன்றம் இடைக்காலத் தடை.

ஏப். 2017- பாபா் மசூதி இடிப்பு விவகாரத்தில் அத்வானி, ஜோஷி, உமா பாரதி உள்ளிட்ட பாஜக தலைவா்களிடம் விசாரணை நடத்துவதற்கு உச்சநீதிமன்றம் அனுமதி.

நவ. 2019- அயோத்தியில் இருந்த சா்ச்சைக்குரிய நிலத்தில் ராமா் கோயில் கட்டுவதற்கு உச்சநீதிமன்றம் அனுமதி. அயோத்தியிலேயே வேறொரு பகுதியில் முஸ்லிம்களுக்கு 5 ஏக்கா் நிலம் வழங்கவும் நீதிமன்றம் உத்தரவு.

ஆக. 2020- அயோத்தியில் ராமா் கோயில் கட்டுவதற்காக பிரதமா் நரேந்திர மோடி தலைமையில் பூமி பூஜை.

செப். 30- பாபா் மசூதி இடிப்பு வழக்கில் குற்றஞ்சாட்டப்பட்ட அனைவரும் விடுவிப்பு..