மகாராஷ்டிரத்தில் விவசாயிகள், மராத்தா சமூகத்தினரின் நலனை மாநில அரசு புறக்கணித்துள்ளது என்று மாநில முன்னாள் முதல்வரும், பாஜக தலைவருமான தேவேந்திர ஃபட்னவீஸ் குற்றம்சாட்டினாா்.

மகாராஷ்டிர மாநிலத்தில் சிவசேனை தலைமையிலான கூட்டணி அரசு ஆட்சிமைத்து சனிக்கிழமையுடன் ஒராண்டு நிறைவுற்றது. இந்த நிலையில், மும்பையில் சனிக்கிழமை செய்தியாளா்களைச் சந்தித்த ஃபட்னவீஸ், மாநில அரசின் மீது பல்வேறு குற்றச்சாட்டுகளை முன்வைத்தாா். அப்போது அவா் கூறியதாவது:

மாநிலத்தில் அண்மையில் பூச்சி தாக்குதலால் பருத்தி, சோயாபீன் பயிா்கள் முழுமையாக சேதமடைந்து பெரும் இழப்பைச் சந்தித்த விவசாயிகளுக்கு, முதல்வா் உத்தவ் தாக்ரே தலைமையிலான அரசு உரிய நிதியுதவி அளிக்கத் தவறிவிட்டது.

அதுபோல, மாநிலத்தின் மராத்தா சமூகத்தினருக்கு கல்வி மற்றும் அரசு வேலைவாய்ப்பில் இடஒதுக்கீடு வழங்கும் விவகாரத்திலும், மாநில அரசு தோல்வியடைந்துவிட்டது. மாநில அரசின் இந்தத் தோல்வியை மறைக்கும் வகையில், மாநில அமைச்சா்கள் சிலா் முரண்பாடான கருத்துக்களை வெளியிட்டு வருகின்றனா்.

தனியாா் தொலைக்காட்சி சேனல் ஆசிரியா் அா்னாப் கோஸ்வாமியின் இடைக்கால ஜாமீனை நீட்டித்து உச்சநீதிமன்றம் பிறப்பித்த உத்தரவு, நடிகை கங்கனா ரணாவத்தின் பங்களாவை இடித்தது சட்ட விரோதம் என்று தீா்ப்பளித்து, நடிகைக்கு இழப்பீடு தர மும்பை உயா்நீதிமன்றம் அளித்த தீா்ப்பு ஆகியவை, மாநிலத்தில் அரசியலமைப்பு சட்ட நடைமுறைகள் சிறிதளவும் பின்பற்றப்படவில்லை என்பதைத் தெளிவாக காட்டுகின்றன.

மேலும், சிவசேனையின் பத்திரிகையான ‘சாம்னா’வில் எதிா்க் கட்சிகளை மிக் கடுமையாக அச்சுறுத்தும் வகையில் முதல்வா் உத்தவ் தாக்கரே பேட்டியளித்தது, அவருடைய அரசமைப்பு பதவிக்கு சிறிதும் உகந்ததல்ல. மகாராஷ்டிரத்தில் இந்த வகையில் எதிா்க் கட்சிகளை அச்சுறுத்தும் எந்தவொரு முதல்வரையும் இதுவரை நான் பாா்த்ததில்லை என்று ஃப்டனவீஸ் கூறினாா்.