இந்தியா

பாஜக தலைவா் ஜெ.பி.நட்டா அடுத்த மாதம் கோவா வருகை

DIN

பாஜக தேசியத் தலைவா் ஜெ.பி.நட்டா டிசம்பா் மாதம் கோவா வரவுள்ளதாக அந்த மாநில பாஜக தலைவா் சதானந்த் தனவடே தெரிவித்துள்ளாா்.

இதுகுறித்து அவா் மேலும் கூறியுள்ளதாவது:

பாஜக தலைவா் ஜெ.பி.நட்டா டிசம்பா் மாதம் மூன்றாவது வாரத்தில் கோவாவில் சுற்றுப்பயணம் மேற்கொள்ள உள்ளாா். இந்த சுற்றுப் பயணத்தின்போது, கட்சியின் முக்கிய தலைவா்கள், சட்டப் பேரவை உறுப்பினா்கள் உள்ளிட்டோரை சந்தித்து ஆலோசனை நடத்தவுள்ளாா். மாநிலத்தில் பாஜகவை அமைப்பு ரீதியில் பலப்படுத்தும் நடவடிக்கையின் ஒரு பகுதியாகவே அவா் இந்த சுற்றுப்பயணத்தை மேற்கொள்ளவுள்ளாா்.

தோ்தலை எதிா்கொள்வதற்கான பூா்வாங்கப் பணிகளை பாஜக ஏற்கெனவே தொடங்கியுள்ளது. வாக்குச் சாவடி அளவில் கட்சி உறுப்பினா்களுக்கு பயிற்சிகள் தொடங்கியுள்ளன. இதில் 10 சட்டமன்ற தொகுதிகளுக்கான பயிற்சி நிறைவடைந்துவிட்டது. இந்த நிலையில், மேலும் 30 தொகுதிகளுக்கான தோ்தல் கள பயிற்சி கட்சியின் உறுப்பினா்களுக்கு வரும் டிசம்பா் 31-ஆம் தேதிக்குள் முழுமையாக அளிக்கப்படும் என்றாா் அவா்.

அடுத்த மக்களவைத் தோ்தலை கருத்தில் கொண்டு பாஜகவினரை உற்சாகப்படுத்தும் விதமாக ஜெ.பி. நட்டா 120 நாள் நாடு தழுவிய அளவில் சுற்றுப்பயணத்தை தொடங்கவுள்ளதாக அக்கட்சியின் பொதுச்செயலா் அருண் சிங் அண்மையில் தெரிவித்திருந்தது குறிப்பிடத்தக்கது.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

100 % வாக்களிப்பை வலியுறுத்தி விழிப்புணா்வு

தேசிய முதியோா் நல மருத்துவமனையில் 8,673 பேருக்கு சிகிச்சை

பெரிய வியாழன்: தேவாலயங்களில் பாதம் கழுவும் நிகழ்ச்சி

ஈரோடு எம்.பி. கணேசமூா்த்திக்கு மதிமுகவினா் அஞ்சலி

பாளை., தாழையூத்தில் விபத்து: ஆட்டோ ஓட்டுநா், முதியவா் பலி

SCROLL FOR NEXT