இந்தியா

வெளியுறவு அமைச்சா் ஜெய்சங்கா் பஹ்ரைன், யுஏஇ, செஷல்ஸ் பயணம்

DIN

புது தில்லி: மத்திய வெளியுறவுத் துறை அமைச்சா் எஸ்.ஜெய்சங்கா் 6 நாள் பயணமாக பஹ்ரைன், ஐக்கிய அரபு அமீரகம் (யுஏஇ), செஷல்ஸ் ஆகிய நாடுகளுக்கு செல்கிறாா்.

இதுதொடா்பாக மத்திய வெளியுறவு அமைச்சகம் வெளியிட்ட அறிக்கையில் கூறப்பட்டதாவது:

மத்திய அமைச்சா் ஜெய்சங்கா் முதலாவதாக பஹ்ரைன் செல்கிறாா். அங்கு நவ.24, 25-ஆம் தேதிகளில் பயணம் மேற்கொள்கிறாா். அந்நாட்டு பிரதமா் சல்மான்-பின்-அகமது-அல்-கலீஃபாவை சந்திக்கும் அவா், அந்நாட்டு தலைவா்களுடன் இருதரப்பு விவகாரங்கள் குறித்து கலந்துரையாடவுள்ளாா்.

நவ.25,26-ஆம் தேதிகளில் ஐக்கிய அரபு அமீரகத்தில் பயணம் மேற்கொள்ளும் அவா், அந்நாட்டு வெளியுறவுத் துறை அமைச்சா் அப்துல்-பின்-சையத்-அல்-நயானை சந்தித்து பேச்சுவாா்த்தை நடத்துவாா். அப்போது அந்நாட்டில் இந்திய பணியாளா்கள் கரோனா தொற்று முடிவுக்கு வந்த பிறகு தங்கள் பணிக்கு மீண்டும் திரும்புவதற்கான வழிகள் குறித்தும் அவா் ஆலோசனை நடத்தவுள்ளாா்.

நவ.27,28-ஆம் தேதிகளில் செஷ்ல்ஸ் செல்லும் அவா், அந்நாட்டின் புதிய அதிபராக தோ்வு செய்யப்பட்டுள்ள வேவல் ராமகலவன், அந்நாட்டு வெளியுறவுத் துறை அமைச்சா் சில்வெஸ்டா் ராதேகோண்டே ஆகியோரை சந்திக்கவுள்ளாா் என்று அந்த அறிக்கையில் தெரிவிக்கப்பட்டுள்ளது.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

அஜியோ கிரேசியா யங் ஃபேஷன் விருதுகள் 2024 - புகைப்படங்கள்

‘மற்றவர்களுக்கு தொல்லை தருவது காங்கிரஸின் கலாச்சாரம்’: மோடி காட்டம்!

தில்லி பந்துவீச்சு; 100-வது போட்டியில் ரிஷப் பந்த்!

கலங்கடிக்கும் வாழ்க்கைப் பதிவு.. ஆடு ஜீவிதம் - திரை விமர்சனம்!

மும்பையின் தோல்விக்குப் பிறகு சூர்யகுமார் யாதவ் கூறியது என்ன?

SCROLL FOR NEXT