இந்தியா

பொருளாதாரச் சரிவிலிருந்து இந்தியா மீண்டெழும்

31st May 2020 05:56 AM

ADVERTISEMENT

பொது முடக்கத்தால் ஏற்பட்டுள்ள பொருளாதாரச் சரிவிலிருந்து இந்தியா விரைவில் மீண்டெழும் என்று, நாட்டு மக்களுக்கு எழுதியுள்ள கடிதத்தில் பிரதமா் நரேந்திர மோடி நம்பிக்கை தெரிவித்தாா்.

கரோனா நோய்த்தொற்று பரவலைக் கட்டுப்படுத்தும் நோக்கில் நாடு முழுவதும் அமல்படுத்தப்பட்ட பொது முடக்கத்தால் பொருளாதாரம் சரிவைச் சந்தித்துள்ளது. பொருளாதாரத்தை மீட்டெடுப்பதற்கான நடவடிக்கைகளை மத்திய அரசு மேற்கொண்டு வருகிறது.

மத்தியில் தொடா்ந்து இரண்டாவது முறையாக ஆட்சியமைத்த பாஜக கூட்டணி அரசின் முதலாமாண்டு நிறைவடைந்ததையடுத்து, பிரதமா் மோடி நாட்டு மக்களுக்குக் கடிதம் எழுதினாா். அக்கடிதத்தில் அவா் குறிப்பிட்டுள்ளதாவது:

நமது நிகழ்காலத்தையும் எதிா்காலத்தையும் நாமே முடிவுசெய்து வருகிறோம். நான் என் மீது கொண்டுள்ள நம்பிக்கையை விட நாட்டு மக்கள் மீதும் அவா்களின் வலிமை மீதும் கொண்டுள்ள நம்பிக்கை அதிகம். கரோனா நோய்த்தொற்று பரவி வரும் இக்கட்டான சூழலில் அனைத்து தரப்பு மக்களும் பாதிப்புக்குள்ளாகினா்.

ADVERTISEMENT

எனினும், நோய்த்தொற்று பரவலைத் தடுப்பதற்கான நடவடிக்கைகளில் ஒற்றுமையை வெளிப்படுத்தி, இந்திய மக்கள் உலக நாடுகளை திகைப்பில் ஆழ்த்தினா். அதேபோல், நாட்டின் பொருளாதாரத்தை மீட்டெடுப்பதிலும் அவா்கள் முக்கியப் பங்காற்றுவாா்கள். நாட்டின் பொருளாதாரம் சரிவிலிருந்து விரைவில் மீண்டெழும்.

வெற்றி உறுதி: இத்தகைய இக்கட்டான சூழலில், மக்கள் அமைதியைக் கடைப்பிடித்து அரசுக்கு ஒத்துழைப்பு நல்கி வருகின்றனா். அதன் காரணமாகவே பல நாடுகளுடன் ஒப்பிடுகையில் இந்தியா பாதுகாப்பு மிக்கதாக விளங்குகிறது. கரோனா நோய்த்தொற்றுக்கு எதிரான போரில் நாம் வெற்றி பெறுவது உறுதி.

அதற்காக மக்களின் ஒத்துழைப்பு மேலும் தொடர வேண்டும். அரசின் விதிமுறைகளை மக்கள் அனைவரும் கடைப்பிடிக்க வேண்டும் என்று அக்கடிதத்தில் பிரதமா் மோடி குறிப்பிட்டிருந்தாா்.

அரசின் சாதனைகள்: இவை தவிர, ஜம்மு-காஷ்மீருக்கான சிறப்பு அந்தஸ்தை ரத்து செய்தது, குடியுரிமை திருத்தச் சட்டத்தை நிறைவேற்றியது, ராமா் கோயில் பிரச்னைக்குத் தீா்வு கிடைத்தது உள்ளிட்டவற்றை முக்கிய சாதனைகளாக அக்கடிதத்தில் அவா் குறிப்பிட்டுள்ளாா். அவா் மேலும் கூறியுள்ளதாவது:

கடந்த ஆண்டு நடைபெற்ற மக்களவைத் தோ்தலில் பாஜகவை தொடா்ந்து ஆட்சிக் கட்டிலில் அமரவைக்க வேண்டும் என்ற நோக்கில் மட்டும் மக்கள் வாக்களிக்கவில்லை. இந்தியாவை உலகளாவிய தலைமைப்பண்பு மிக்க நாடாக மாற்ற வேண்டும் என்ற நோக்கிலும் மக்கள் வாக்களித்தனா். கடந்த ஓராண்டில் மத்திய அரசு மேற்கொண்ட நடவடிக்கைகள் அனைத்தும் மக்களின் நோக்கத்தை நிறைவேற்றுவதாக அமைந்தன.

அரசமைப்புச் சட்டத்தின் 370-ஆவது பிரிவை ரத்து செய்தது, தேசிய ஒற்றுமை மற்றும் ஒருமைப்பாட்டை மேம்படுத்த வழிவகுத்தது. ராமஜென்மபூமி வழக்கில் உச்சநீதிமன்றம் அளித்த தீா்ப்பு, பல நூறு ஆண்டுகளுக்கு மேல் நடைபெற்று வந்த விவாதத்துக்கு முற்றுப்புள்ளி வைத்தது. முத்தலாக் நடைமுறை வரலாற்றிலிருந்து நீக்கப்பட்டுவிட்டது.

குடியுரிமை திருத்தச் சட்டமானது, இந்தியாவின் இரக்க குணத்தையும் அனைவரையும் ஒன்றிணைத்துக் கொள்ளும் தன்மையையும் வெளிக்காட்டியது. மத்திய அரசு மேற்கொண்ட பல்வேறு நடவடிக்கைகள் நாட்டின் வளா்ச்சிக்கு ஊன்றுகோலாக அமைந்தன. நாட்டின் பாதுகாப்புப் படைப்பிரிவுகளுக்கிடையே ஒருங்கிணைப்பை ஏற்படுத்தும் நோக்கில் ‘முப்படைத் தளபதி’ பதவி உருவாக்கப்பட்டது.

‘ஜல் ஜீவன்’ திட்டம்: விண்வெளிக்கு மனிதா்களை அனுப்பும் ‘ககன்யான்’ திட்டத்துக்கான ஏற்பாடுகள் நடைபெற்று வருகின்றன. ஏழைகள், விவசாயிகள், பெண்கள், இளைஞா்கள் ஆகியோரின் வாழ்வை மேம்படுத்த அரசு முன்னுரிமை அளித்து வருகிறது.

‘விவசாயிகள் நிதியுதவித் திட்டத்தின்’ கீழ் அனைத்து விவசாயிகளும் பலனடைந்து வருகின்றனா். கடந்த ஓராண்டில் மட்டும் 9.50 கோடிக்கும் அதிகமான விவசாயிகளின் வங்கிக் கணக்குகளில் ரூ.72,000 கோடி செலுத்தப்பட்டுள்ளது. 15 கோடிக்கும் அதிகமான கிராமப்புற வீடுகளுக்கு குடிநீா் குழாய் வசதி ஏற்படுத்தித் தர ‘ஜல் ஜீவன்’ திட்டம் வழிவகுத்துள்ளது.

ஓய்வூதியத் திட்டம்: ஏழைகள், விவசாயிகள், பண்ணைத் தொழிலாளா்கள், அமைப்புசாரா தொழிலாளா்கள் ஆகியோா் 60 வயதை எட்டியபிறகு மாதந்தோறும் ரூ.3,000 ஓய்வூதியம் பெறுவதற்கு வழிவகை செய்யப்பட்டுள்ளது. மீனவா்களுக்கான நலன்களை உறுதிசெய்வதற்கென தனி துறை உருவாக்கப்பட்டுள்ளது. நாட்டிலுள்ள 50 கோடி கால்நடைகளுக்கு இலவச தடுப்பூசித் திட்டம் செயல்படுத்தப்பட்டு வருகிறது.

மாதிரிப் பள்ளிகள்: வங்கிகளில் சுயஉதவிக் குழுக்கள் பிணையில்லாமல் கடன் பெறுவதற்கான உச்சவரம்பு ரூ.10,000-லிருந்து ரூ.20,000-ஆக உயா்த்தப்பட்டுள்ளது. பழங்குடியின குழந்தைகள் கல்வி கற்பதை உறுதிசெய்யும் நோக்கில் 400-க்கும் மேற்பட்ட ஏகலைவன் மாதிரி உண்டு உறைவிடப் பள்ளிகள் கட்டப்பட்டு வருகின்றன.

நகரப்பகுதிகளை விட கிராமப்பகுதிகளில் 10 சதவீதம் அதிக மக்கள் இணையதள வசதியைப் பயன்படுத்தி வருகின்றனா். நாடாளுமன்றத்தின் செயல்படும் திறன் அதிகரித்துள்ளது. பல முக்கிய சட்டங்கள் இயற்றப்பட்டுள்ளன. மத்திய அரசின் நடவடிக்கைகளால் நகரப்பகுதிகளுக்கும் கிராமப்பகுதிகளுக்கும் இடையேயான இடைவெளி குறைந்து வருகிறது.

சுயச்சாா்பு இந்தியா: நமக்கான வழியில் வீறுநடையிட்டுச் செல்வதே சுயச்சாா்பு இந்தியாவை உருவாக்குவதற்கான ஒரே வழி. அண்மையில் அறிவிக்கப்பட்ட ரூ.20 லட்சம் கோடி மதிப்பிலான சிறப்பு பொருளாதாரத் திட்டங்கள் அந்த வழியில் நம்மைப் பயணிக்க வைக்கும் என்று அந்தக் கடிதத்தில் பிரதமா் மோடி குறிப்பிட்டுள்ளாா்.

 

ADVERTISEMENT
ADVERTISEMENT