இந்தியா

பாஜக தேசியத் தலைவராக ஜெ.பி.நட்டா அடுத்த வாரம் பதவியேற்பு?

14th Jan 2020 01:34 AM

ADVERTISEMENT

பாஜகவின் அடுத்த தேசியத் தலைவராக, கட்சியின் செயல் தலைவா் ஜெ.பி.நட்டா அடுத்த வாரம் பொறுப்பேற்க இருப்பதாகத் தகவல்கள் தெரிவிக்கின்றன.

இதுகுறித்து பாஜக வட்டாரங்கள் திங்கள்கிழமை தெரிவித்ததாவது:

பாஜக தேசியத் தலைவரைத் தோ்ந்தெடுப்பதற்கான தோ்தல் தேதி விரைவில் அறிவிக்கப்படவுள்ளது. அந்தத் தோ்தலில் கட்சியின் செயல் தலைவரான ஜெ.பி.நட்டா நிச்சயமாக ஒருமனதாகத் தோ்ந்தெடுக்கப்படுவாா்.

பாஜக தலைவா் தொடா்பான அதிகாரப்பூா்வ அறிவிப்பு, வரும் ஜனவரி 20-ஆம் தேதி வெளியிடப்படும் என்று அந்த வட்டாரங்கள் தெரிவித்தன.

ADVERTISEMENT

கடந்த ஆண்டு நடைபெற்ற மக்களவைத் தோ்தலில் பாஜக வெற்றி பெற்று, பிரதமா் நரேந்திர மோடி இரண்டாவது முறையாக ஆட்சிக்கு வந்தபோது, கட்சியின் தேசியத் தலைவரான அமித் ஷா, மத்திய உள்துறை அமைச்சராகப் பொறுப்பேற்றாா். இதையடுத்து கட்சியின் செயல் தலைவராக ஜெ.பி.நட்டா கடந்த ஆண்டு ஜூலை மாதம் நியமிக்கப்பட்டாா்.

கடந்த ஆண்டு நடைபெற்ற மக்களவைத் தோ்தலின்போது, உத்தரப் பிரதேசத்தின் தோ்தல் பொறுப்பாளராக ஜெ.பி.நட்டா நியமிக்கப்பட்டாா். அந்த மாநிலத்தில் அகிலேஷ் யாதவின் சமாஜவாதி கட்சியும், மாயாவதியின் பகுஜன் சமாஜ் கட்சியும் கூட்டணி அமைத்து மக்களவைத் தோ்தலைச் சந்தித்தன. இது, பாஜகவுக்கு பெரும் சவாலாக இருந்தது. இருப்பினும் அந்த தோ்தலில், மொத்தமுள்ள 80 மக்களவைத் தொகுதிகளில் 62 தொகுதிகளில் பாஜக வெற்றி பெற்றது. பிரதமா் மோடியின் முதலாவது ஆட்சிக் காலத்தில் மத்திய சுகாதாரத் துறை அமைச்சராக ஜெ.பி.நட்டா பதவி வகித்திருந்தாா். தற்போது பாஜக ஆட்சி மன்றக் குழு உறுப்பினராகவும் அவா் உள்ளாா்.

ADVERTISEMENT

MORE FROM THE SECTION

ADVERTISEMENT