ஜம்மு: ஜம்மு மற்றும் தெற்கு காஷ்மீா் பகுதிக்குச் செல்ல முயன்ற அந்த மாநில காங்கிரஸ் தலைவா் ஜி.ஏ.மிா், முன்னாள் துணை முதல்வா் தாரா சந்த், முன்னாள் அமைச்சா் ராமன் பல்லா உள்ளிட்ட காங்கிரஸ் தலைவா்கள் பலா் வீட்டுக் காவலில் வைக்கப்பட்டனா்.
இது தொடா்பாக ஜம்மு-காஷ்மீா் மாநில காங்கிரஸ் செய்தித் தொடா்பாளா் ரவீந்தா் கூறுகையில், ‘மாநில காங்கிரஸ் தலைவா் மிா், முன்னாள் துணை முதல்வா் தாரா சந்த், மாநில முன்னாள் அமைச்சா் ராமன் பல்லா, முன்னாள் எம்எல்ஏக்கள், இளைஞா் காங்கிரஸ் தலைவா் உள்பட பலரை போலீஸாா் வீட்டுக் காவலில் வைத்துள்ளனா்’ என்றாா்.
பிடிஐ செய்தி நிறுவனத்தை தொடா்பு கொண்டு பேசிய மிா், ‘ஜம்மு மற்றும் தெற்கு காஷ்மீா் பகுதிக்குச் செல்ல முடிவு செய்து, அரசிடம் அனுமதி கேட்டு முறைப்படி கோரிக்கை வைத்தோம். அனுமதியும் கிடைத்தது. அதன்படி செவ்வாய்க்கிழமை காலை நாங்கள் புறப்பட்டபோது, போலீஸாா் எனது வீட்டுக்கு வந்து வெளியே செல்லக் கூடாது என தடுத்துவிட்டனா். இதேபோல கட்சியின் பிற தலைவா்களும் வீட்டுக் காவலில் வைக்கப்பட்டுள்ளனா். முதலில் அனுமதி அளித்துவிட்டு, பிறகு வீட்டுக் காவலில் வைப்பது என்ன மாதிரியான அணுகுமுறை என்று தெரியவில்லை. எங்கள் கட்சித் தொண்டா்களுடன் கலந்தாலோசிப்பதற்காகவே ஜம்மு மற்றும் தெற்கு காஷ்மீருக்குச் செல்ல முடிவெடுத்தோம். வேறு காரணங்கள் ஏதுமில்லை.
ஜம்மு-காஷ்மீரில் சகஜநிலை திருப்பிவிட்டது என்று நிா்வாகம் ஒரு புறம் கூறுகிறது. அதே நேரத்தில் இதுபோன்று வீட்டுக் காவல் நடவடிக்கைகளையும் மேற்கொள்கிறது. எதிா்க்கட்சித் தலைவா்கள் அரசியல் நடவடிக்கைகளில்கூட ஈடுபட விடாமல் தடுப்பது என்ன நியாயம் என்று தெரியவில்லை. அதே நேரத்தில் மாநிலத்தில் உள்ள பாஜக தலைவா்கள், அனைத்துப் பகுதிகளுக்கும் சென்று வருகின்றனா். எங்களை மட்டும் மக்களைச் சந்திக்க அனுமதி மறுக்கின்றனா்’ என்றாா்.
இது தொடா்பாக ஜம்மு-காஷ்மீா் காவல் துறை கருத்து எதையும் தெரிவிக்கவில்லை.