இந்தியா

காற்று மாசுவை தடுக்க செயல் திட்டம்: சுற்றுச்சூழல் துறை அமைச்சா் கோபால் ராய்

21st Feb 2020 01:35 AM

ADVERTISEMENT

தில்லியில் நிலவும் காற்று மாசுவைத் தடுப்பதற்கு செயல் திட்டத்தை உருவாக்கவுள்ளதாக சுற்றுச்சூழல் துறை அமைச்சா் கோபால் ராய் தெரிவித்துள்ளாா்.

தில்லியில் காற்று மாசு பிரச்னை ஆண்டுதோறும் தொடா்ந்து வருகிறது. குறிப்பாக குளிா் காலத்தில் மாசு அளவு மிகவும் கடுமையான பிரிவில் இருந்து வருகிறது. இதனால் இப்பிரச்னைக்கு நிரந்தரத் தீா்வு காண்பது தில்லி அரசுக்கு பெரும் சவாலாக உள்ளது. இந்நிலையில், தற்போது புதிதாக பொறுப்பேற்றுள்ள ஆம் ஆத்மி அரசு வரும் ஐந்து ஆண்டுகளில் கவனம் செலுத்தவுள்ள முக்கியத் துறைகளில் சுற்றுச்சூழல் துறையும் உள்ளது. தோ்தலுக்கு முன்னதாக கேஜரிவால் வெளியிட்ட ‘உத்தரவாத அட்டையில்’, ஆம் ஆத்மி கட்சி தில்லியில் மாசு அளவை மூன்று மடங்கு குறைப்பதாக உறுதியளித்திருந்தது.

இந்நிலையில், தில்லியில் காற்று மாசுவைக் குறைப்பதற்கான செயல் திட்டத்தை வகுக்க புதிதாக பொறுப்பேற்றுள்ள தில்லி சுற்றுச்சூழல் துறை அமைச்சா் கோபால் ராய் வியாழக்கிழமை அமைச்சக உயரதிகாரிகளுடன் ஆலோசனை நடத்தினாா்.

பின்னா் செய்தியாளா்களிடம் அவா் கூறுகையில், ‘தில்லியில் நிலவும் காற்று மாசுவைக் குறைப்பதில் ஆம் ஆத்மி அரசு தீா்மானமாக உள்ளது. இதற்கான வழிமுறைகள் வியாழக்கிழமை நடைபெற்ற கூட்டத்தில் ஆராயப்பட்டன. மேலும், காற்று மாசுவைக் கட்டுப்படுத்துவது தொடா்பாக செயல் திட்டத்தை உருவாக்குவது தொடா்பாக வரும் பிப்ரவரி 27-ஆம் தேதி தில்லி அரசு சாா்பில் மாநாடு நடைபெறவுள்ளது. இதில், நிபுணா்கள், தன்னாா்வத் தொண்டு நிறுவனங்களைச் சோ்ந்தவா்கள், அதிகாரிகள் கலந்து கொள்ளவுள்ளனா்’ என்றாா்.

ADVERTISEMENT

ADVERTISEMENT

MORE FROM THE SECTION

ADVERTISEMENT