ஜம்மு: ஜம்மு-காஷ்மீரின் பூஞ்ச் மாவட்டத்தில் உள்ள எல்லைக் கட்டுப்பாட்டுக் கோட்டையொட்டி பாகிஸ்தான் ராணுவத்தினா் திங்கள்கிழமை அத்துமீறி தாக்குதல் நடத்தினா். 

இதுதொடா்பாக இந்திய ராணுவ செய்தித்தொடா்பாளா் கூறுகையில், ‘ஷாபூா் செக்டரில் துப்பாக்கிச்சுடு நடத்தியும், சிறிய ரக பீரங்கிகள் மூலம் குண்டுகளை வீசியும் பாகிஸ்தான் ராணுவத்தினா் அத்துமீறி தாக்குதல் நடத்தினா். இதையடுத்து இந்திய ராணுவத்தினா் பலத்த எதிா் தாக்குதலில் ஈடுபட்டனா். எனினும் இந்த மோதலில் இந்திய வீரா்கள் காயமடைந்ததாகவோ, பலியானதாகவோ தகவல் வெளியாகவில்லை என்று தெரிவித்தாா்.

ஜம்மு-காஷ்மீரில் எல்லைக் கட்டுப்பாட்டுக் கோட்டையொட்டிய பகுதிகளில் கடந்த சில மாதங்களாக பாகிஸ்தான் ராணுவத்தினா் தீவிரமாக தாக்கி வருகின்றனா். கடந்த வாரம் அந்நாட்டு ராணுவத்தினா் நடத்திய தாக்குதலில் இந்திய வீரா்கள் இருவா் வீரமரணம் அடைந்தது குறிப்பிடத்தக்கது.