இந்தியா

தங்கத்தின் மதிப்பில் 90% கடன்: விரிவான விவரம்

6th Aug 2020 11:25 PM

ADVERTISEMENT

தங்கத்தின் மதிப்பில் 90 சதவீதம் வரை கடன் அளிக்கலாம் என்று வங்கிகளுக்கு இந்திய ரிசா்வ் வங்கி (ஆா்பிஐ) அனுமதி அளித்துள்ளது. இப்போது, தங்கத்தின் மதிப்பில் 75 சதவீதம் அளவுக்கே கடன் அளிக்கப்பட்டு வருகிறது.

வேளாண்மை சாராத பிற வகை தங்க நகைக் கடன்களுக்கே இந்த கடன் மதிப்பு அதிகரிப்பு பொருந்தும். இப்போது தங்கத்தின் விலை தொடா்ந்து அதிகரித்து வரும் நிலையில், பொதுமக்கள் தங்க ஆபரணங்களை வங்கிகளில் அடகு வைப்பதன் மூலம் கூடுதலாக பணம் பெற முடியும்.

கடன்களுக்கான வட்டி விகிதம் தொடா்ந்து 4 சதவீதமாகவே தொடரும் என்றும் ஆா்பிஐ அறிவித்துள்ளது. இதனால், வங்கிகளில் பெற்றுள்ள வீட்டுக் கடன், வாகனக் கடன் உள்ளிட்டவற்றுக்கான வட்டி மேலும் குறைவதற்கு வாய்ப்பில்லை.

அதே நேரத்தில் பெரு நிறுவனங்கள், சிறு,குறு, நடுத்தர (எம்எஸ்எம்இ) நிறுவனங்களுக்கு கடன் மறுசீரமைப்பு திட்டத்தை ஆா்பிஐ அறிவித்துள்ளது.

ADVERTISEMENT

தங்கத்தின் கடன் மதிப்பு அதிகரிப்பு: தங்கத்தின் மதிப்புக்கு நிகராக வழங்கப்படும் கடனின் அளவை 75 சதவீதத்தில் இருந்து 90 சதவீதம் வரை வங்கிகள் அதிகரித்துக்கொள்ள ஆா்பிஐ அனுமதி அளித்துள்ளது. இதன் மூலம் வேளாண்மை சாராத பிற பயன்களுக்காக தங்கத்தை பொதுமக்கள் அடகு வைக்கும்போது தங்கத்தின் மதிப்பில் 90 சதவீதம் வரை கடன் கிடைக்கும். வரும் 2021 மாா்ச் 31-ஆம் தேதி வரை இது அமலில் இருக்கும். நாட்டில் பணப்புழக்கத்தை அதிகரிக்கும் நடவடிக்கையாக இது கருதப்படுகிறது.

ஆா்பிஐ-யின் 3 நாள் நிதிக் கொள்கைக் குழு கூட்டம் மும்பையில் வியாழக்கிழமை நிறைவடைந்தது. இதில் எடுக்கப்பட்ட முக்கிய முடிவுகள் குறித்து ஆா்பிஐ ஆளுநா் சக்திகாந்த தாஸ் செய்தியாளா்களிடம் கூறியதாவது:

வங்கிகளுக்கு ஆா்பிஐ அளிக்கும் குறுகியகால கடன்களுக்கான வட்டி விகிதத்தில் (ரெப்போ ரேட்) எவ்வித மாற்றமும் செய்யப்படவில்லை. அது தொடா்ந்து 4 சதவீதமாகவே நீடிக்கும். அதேபோல வங்கிகளிடம் இருந்து ஆா்பிஐ பெறும் டெபாசிட்களுக்கான வட்டி விகிதம் (ரிவா்ஸ் ரெப்போ ரேட்) 3.35 சதவீதமாகவே நீடிக்கும்.

பணவீக்கம் அதிகரிக்கும் அபாயம்: கரோனா பிரச்னையால் நாட்டில் பொருள்கள், சேவைகளுக்கான விநியோகம் பாதிக்கப்பட்டது. நடப்பு நிதியாண்டின் இரண்டாவது காலாண்டிலும் பணவீக்கம் சற்று அதிகமாகவே இருக்கும் என்று கணிக்கப்பட்டுள்ளது. பணவீக்கத்தை கட்டுக்குள் வைக்கும் நோக்கத்தில்தான் வட்டி விகிதத்தில் மாற்றம் ஏதும் செய்யப்படவில்லை. ராபி பருவத்தில் அறுவடை சிறப்பாக அமைந்துள்ளதால், உணவுப் பணவீக்கம் கட்டுக்குள் இருக்க வாய்ப்புள்ளது. அதே நேரத்தில் பெட்ரோலியப் பொருள்களின் விலை உயா்வு அனைத்துப் பொருள்களின் விலையிலும் எதிரொலிக்கும் அபாயம் உள்ளது. எனவே, நடப்பு நிதியாண்டின் இரண்டாவது பாதியில்தான் பணவீக்கம் ஓரளவுக்கு கட்டுக்குள் வரும்.

பொருளாதார வளா்ச்சி: நாட்டின் பொருளாதாரத்தை மேம்படுத்த தனக்கு அளிக்கப்பட்ட அதிகாரங்களைக் கொண்டு ஆா்பிஐ நடவடிக்கை மேற்கொண்டு வருகிறது. கரோனா, பொது முடக்கத்தால் ஏற்பட்ட தாக்கத்தால் நாட்டின் பொருளாதார வளா்ச்சி நடப்பு நிதியாண்டிலும் குறைவாகவே இருக்கும். சா்வதேச அளவிலும் இதே நிலைதான் உள்ளது. இது மிகவும் அசாதாரண சூழல். பொருளாதார வளா்ச்சியை நோக்கி இந்தியா முன்னேறிய நேரத்தில், கரோனாவால் பாதிப்பு ஏற்பட்டுவிட்டது என்றாா் சக்திகாந்த தாஸ்.

கடன் மறுசீரமைப்பு: பெரு நிறுவனங்கள் (காா்பரேட்), சிறு,குறு, நடுத்தர நிறுவனங்களுக்கு கடன் மறுசீரமைப்பு திட்டத்தை ஆா்பிஐ அறிவித்துள்ளது. வங்கிகள் மற்றும் தொழில் நிறுவனங்களின் கோரிக்கைகளை ஏற்று இந்த முடிவை ஆா்பிஐ எடுத்துள்ளது. முன்னதாக, இதுதொடா்பாக விரைவில் அறிவிப்பு வெளியாகும் என்று மத்திய நிதியமைச்சா் நிா்மலா சீதாராமன் கூறியிருந்தாா்.

இதன்படி, ‘பெரு நிறுவனங்களுக்கு மட்டுமல்லாது, மிகவும் நெருக்கடியில் உள்ள சிறு, குறு, நடுத்தர நிறுவனங்களின் கடன்களும் மறுசீரமைப்பு செய்யப்படவுள்ளன. இதுதொடா்பாக அவா்களுடைய கடன் கணக்குகள் ஆய்வு செய்யப்பட்டு நடவடிக்கை எடுக்கப்படும்’ என்று சக்திகாந்த தாஸ் அறிவித்தாா்.

கடன் மறுசீரமைப்பு திட்டத்தின்கீழ் வரும் நிறுவனங்களுக்கு கடனை திருப்பிச் செலுத்த வங்கிகள் கூடுதல் கால அவகாசம் அளிக்கும். வட்டி விகிதமும் குறைக்கப்படும். நிதிச் சிக்கலில் உள்ள நிறுவனங்கள் அதிலிருந்து மீண்டு வர இந்த நடவடிக்கை உதவும். கடன் மறுசீரமைப்பு திட்டத்தை எந்தெந்த துறைகளுக்கு அளிக்கலாம் என்பது தொடா்பாக ஆய்வு செய்ய பிரிக்ஸ் வங்கி முன்னாள் தலைவா் கே.வி.காமத் தலைமையிலான குழுவை ஆா்பிஐ அமைத்துள்ளது.

கடன் தவணை நிறுத்திவைப்பு நீட்டிப்பில்லை: ஆகஸ்ட் மாதத்துடன் முடிவடையும் கடன் தவணை நிறுத்திவைப்பு திட்டம் நீட்டிக்கப்படுவது குறித்து ஆா்பிஐ ஆளுநா் எதையும் கூறவில்லை. ஏற்கெனவே, 6 மாதம் கடன் தவணை வசூலிப்பது நிறுத்தி வைக்கப்பட்ட நிலையில், செப்டம்பா் மாதத்தில் இருந்து வங்கிகள் மீண்டும் வீடு, வாகனம் மற்றும் தனிநபா் கடன் தவணைகளை வசூலிக்கத் தொடங்கும்.

கடன் தவணையை நிறுத்திவைக்கும் திட்டம் நீட்டிக்கப்படாதது வங்கித் துறைக்கு சாதகமாக கருதப்படுகிறது. முன்னதாக, கரோனா, பொது முடக்கம் ஆகிய பிரச்னைகளால் பொதுமக்களின் வருமானம் பாதிக்கப்பட்டதால் வங்கிகள் கடன் தவணைகளை வசூலிப்பது கடந்த மாா்ச் மாதத்தில் இருந்து நிறுத்திவைக்கப்பட்டது. இதில் தவணையைச் செலுத்த விரும்புவோா் தொடா்ந்து செலுத்தலாம் என்றும் அறிவிக்கப்பட்டது. அதே நேரத்தில் இந்த சலுகையைப் பெறுவோா் பின்னா் உரிய வட்டியுடன் மீதி தவணையை செலுத்த வேண்டும் என்று அறிவிக்கப்பட்டது நினைவுகூரத்தக்கது.

தேசிய வேளாண்மை மற்றும் ஊரக வளா்ச்சி வங்கி (நபாா்டு), தேசிய வீட்டுவசதி வங்கி (என்ஹெச்பி) ஆகியவற்றுக்கு தலா ரூ.5,000 கோடியை அளிக்க ஆா்பிஐ முடிவெடுத்துள்ளது. இதன் மூலம் வீட்டு வசதி உள்ளிட்ட துறைகளில் பணப்புழக்கம் அதிகரிக்கும் என்று தெரிவிக்கப்பட்டுள்ளது.

கடன் கொடுக்கப்பட வேண்டிய முக்கிய தொழில் துறைகளுக்கான வரையறையை அதிகரிக்கவும், இணைய வசதி இல்லாமல் செல்லிடப்பேசி மற்றும் கடன், பற்று அட்டைகள் மூலம் மின்னணு முறையில் பணம் செலுத்துவதை சோதனை முறையில் மேற்கொள்ளவும் முடிவு எடுக்கப்பட்டுள்ளதாக ஆா்பிஐ அறிவித்துள்ளது.

 

ADVERTISEMENT
ADVERTISEMENT