லக்னௌ/ஆமதாபாத்: நாடு முழுவதும் 18 மாநிலங்களில் காலியாக உள்ள 64 பேரவைத் தொகுதிகள் மற்றும் 2 மக்களவைத் தொகுதிகளுக்கு திங்கள்கிழமை (அக். 21) இடைத்தோ்தல் நடைபெறுவதால், அந்த மாநிலங்களில் நடைபெற்று வந்த தீவிர பிரசாரம் சனிக்கிழமை மாலையுடன் நிறைவுற்றது.
அருணாசலப் பிரதேசம் (1), அஸ்ஸாம் (4), பிகாா் (5), சத்தீஸ்கா் (1), குஜராத் (4), ஹிமாசலப் பிரதேசம் (2), கா்நாடகம் (15), கேரளம் (5), மத்தியப் பிரதேசம் (1), மேகாலயம் (1), ஒடிஸா (1), புதுச்சேரி (1), பஞ்சாப் (4), ராஜஸ்தான் (2), சிக்கிம் (3), தமிழகம் (2), தெலுங்கானா (1), உத்தரப் பிரதேசம் (11) ஆகிய மாநிலங்களில் காலியாக உள்ள பேரவைத் தொகுதிகளுக்கு வரும் 21-ஆம் தேதி இடைத்தோ்தல் நடைபெறவுள்ளது.
அதே நாளில் பிகாரின் சமஸ்திபூா் மற்றும் மகாராஷ்டிரத்தின் சதாரா மக்களவைத் தொகுதிகளுக்கு இடைத்தோ்தலும், ஹரியாணா மற்றும் மகாராஷ்டிரம் ஆகிய மாநிலங்களில் சட்டப் பேரவைத் தோ்தலும் நடைபெறவுள்ளது.
அதையொட்டி, அந்த மாநிலங்களில் அனைத்துக் கட்சிகளும் தீவிர பிரசாரத்தில் ஈடுபட்டு வந்தன. இந்நிலையில் சனிக்கிழமை மாலையுடன் தோ்தல் பிரசாரம் முடிவடைந்தது. அதையடுத்து தோ்தல் நடைபெறும் தொகுதிகளில் பலத்த பாதுகாப்புக்கு ஏற்பாடு செய்யப்பட்டுள்ளது.
உத்தரப் பிரதேசத்தில்..: உத்தரப் பிரதேசத்தில் காலியாக உள்ள 11 பேரவைத் தொகுதிகளுக்கு நடைபெறும் இடைத்தோ்தலில் நான்கு முனைப் போட்டி நிலவுகிறது. மாநிலத்தில் ஆட்சியில் இருக்கும் பாஜகவைத் தோற்கடிக்கும் முனைப்புடன் காங்கிரஸ், சமாஜவாதி, பகுஜன் சமாஜ் ஆகிய கட்சிகள் களம் இறங்கியுள்ளன. இந்நிலையில், மக்களவைத் தோ்தலில் பாஜக அமோக வெற்றி பெற்ற பின்னா் நடைபெறும் தோ்தல் என்பதால், அனைத்துத் தொகுதிகளையும் கைப்பற்ற வேண்டும் என்ற முனைப்புடன் அக்கட்சி உள்ளது.
பஞ்சாப், சிக்கிம், குஜராத்தில்..: பஞ்சாபில் நடைபெறவிருக்கும் இடைத்தோ்தலில் 4 பேரவைத் தொகுதிகளிலும் காங்கிரஸ் கட்சியே வெற்றி பெறும் என்று மாநில முதல்வா் அமரீந்தா் சிங் பிரசாரத்தின் இறுதி நாளன்று நம்பிக்கை தெரிவித்தாா். சிக்கிமின் 3 பேரவைத் தொகுதிகளுக்கு நடைபெறவிருக்கும் இடைத்தோ்தலுக்கு சனிக்கிழமை பிரசாரம் முடிந்தது. அதில், போக்லாங் காம்ராங் பேரவைத் தொகுதியில் மாநில முதல்வா் பிரேம் சிங் தமாங் போட்டியிடுவதால், அந்தத் தொகுதி முக்கியத்துவம் பெற்றுள்ளது. குஜராத்தில் 4 பேரவைத் தொகுதிகளுக்கு நடைபெறவுள்ள இடைத்தோ்தலில் பாஜவுக்கும், காங்கிரஸுக்கும் இடையே போட்டி நிலவுகிறது.
ம.பி., அருணாசலில்..: மத்தியப் பிரதேசத்தின் ஜாபுவா தொகுதியில் பாஜகவுக்கும், மாநிலத்தில் ஆட்சியில் இருக்கும் காங்கிரஸுக்கும் இடையே போட்டி நிலவுகிறது. அருணாசலின் கோன்ஸா (மேற்கு) பேரவைத் தொகுதியில் இரண்டு சுயேச்சை வேட்பாளா்கள் மட்டுமே தோ்தலில் போட்டியிடுகின்றனா்.
ஒடிஸா, அஸ்ஸாமில்..: ஒடிஸாவில் உள்ள பிஜேப்பூா் பேரவைத் தொகுதிக்கும், அஸ்ஸாமின் 4 பேரவைத் தொகுதிகளுக்கும் இடைத்தோ்தல் நடைபெறுவதையொட்டி, வரும் 21-ஆம் தேதி அந்தத் தொகுதிகளில் அரசு விடுமுறை அறிவிக்கப்பட்டுள்ளது. வாக்களிப்பதற்காக வெளியூரில் பணிபுரியும் வாக்காளா்கள், சொந்த ஊா் வந்துவிட்டு திரும்புவதற்கு எளிதாக இருக்கும் வகையில், பிஜேப்பூா் வாக்காளா்களுக்கு வரும் 22-ஆம் தேதியும் விடுமுறை அளிக்கப்பட்டுள்ளது.