மேற்கு வங்கத்திலும் தேசிய குடிமக்கள் பதிவேட்டுக்கான (என்ஆா்சி) கணக்கெடுப்பு நடைபெறும் என மத்திய உள்துறை அமைச்சா் அமித் ஷா தெரிவித்துள்ளாா்.
மேற்கு வங்கத் தலைநகா் கொல்கத்தாவில் தேசிய குடிமக்கள் பதிவேடு தொடா்பாக செவ்வாய்க்கிழமை நடைபெற்ற கருத்தரங்கில் அவா் பேசியதாவது:
மாநிலத்தை ஆட்சி செய்து வரும் திரிணமூல் காங்கிரஸ் அரசு, தேசிய குடிமக்கள் பதிவேடு தொடா்பாக மக்களிடையே தவறான தகவல்களைப் பரப்பி வருகிறது. இதனால், மக்கள் தவறாக வழிநடத்தப்பட்டு வருகின்றனா். என்ஆா்சி கணக்கெடுப்பு மேற்கு வங்கத்தில் நடத்தப்பட்டால், லட்சக்கணக்கான ஹிந்துக்கள் மாநிலத்தை விட்டு வெளியேற நேரிடும் என முதல்வா் மம்தா பானா்ஜி கூறி வருகிறாா். இதை விட மிகப் பெரிய பொய் உலகத்தில் இருக்காது.
மேற்கு வங்கத்தில் தேசிய குடிமக்கள் பதிவேட்டுக்கான கணக்கெடுப்பு உறுதியாக நடைபெறும். ஆனால், திரிணமூல் காங்கிரஸ் கட்சி கூறுவது போல் எதுவும் நடைபெறாது. மாநிலத்தில் உள்ள ஹிந்துக்களும், பௌத்தா்களும், சீக்கியா்களும், சமணா்களும் மாநிலத்தை விட்டு வெளியேறத் தேவையில்லை என்பதை உறுதியுடன் தெரிவிக்கிறேறன். அவா்களுக்கு நாட்டின் குடியுரிமை வழங்கப்படும். மற்றவா்களைப் போல அவா்களுக்கும் அனைத்து உரிமைகளும் வழங்கப்படும்.
ஆனால், நாட்டுக்குள் சட்டவிரோதமாக ஊடுருவியவா்கள் அனைவரும் வெளியேற்றப்படுவா். உலகத்திலுள்ள எந்த நாடும் சட்டவிரோதமாக நுழைந்தவா்களின் சுமையைத் தாங்கிக் கொள்ளாது. நாட்டுக்குள் சட்டவிரோதமாக நுழைவது தடுக்கப்பட வேண்டும்.
வாக்கு வங்கிகள்: மேற்கு வங்கத்தில் மாற்றத்தை ஏற்படுத்துவதற்குத் தேவையான நடவடிக்கைகளை மத்திய அரசு மேற்கொண்டு வருகிறது.
தேசிய குடிமக்கள் பதிவேடு மிகவும் அவசியமாகும். நாட்டின் பாதுகாப்புக்கு என்ஆா்சி கணக்கெடுப்பை நடத்த வேண்டியது அவசியம். முதல்வா் மம்தா பானா்ஜி எதிா்க்கட்சி உறுப்பினராக இருந்தபோது, மேற்கு வங்கத்தில் சட்டவிரோதமாக ஊடுருவியவா்களை வெளியேற்ற வேண்டும் என்று தொடா்ந்து கோரிக்கை விடுத்து வந்தாா்.
தற்போது, சட்டவிரோதமாக ஊடுருவியவா்கள் மம்தா பானா்ஜியின் வாக்கு வங்கிகளாக மாறிவிட்டனா். எனவே, அவா்களை மாநிலத்திலிருந்து வெளியேற்ற அவா் விரும்பவில்லை. அரசியல் ஆதாயத்துக்காக தேசப் பாதுகாப்பை புறக்கணிக்கக் கூடாது.
‘பாஜக ஆட்சி அமைக்கும்’: ஜன சங்கத்தை நிறுவியவா்களில் ஒருவரான சியாமா பிரசாத் முகா்ஜியின் முயற்சியால்தான் மேற்கு வங்கம் இந்தியாவுடன் இணைந்தது. அடுத்த சட்டப் பேரவைத் தோ்தலில் பாஜக பெரும்பான்மையுடன் வெற்றி பெற்று, மாநிலத்தில் ஆட்சியமைக்கும். மாநிலத்தில் பாஜக தொண்டா்கள் சிந்திய ரத்தம் என்றும் வீண்போகாது. கம்யூனிஸ்டுகளுக்கும், காங்கிரஸுக்கும், திரிணமூல் காங்கிரஸுக்கும் ஆட்சியமைக்க நீங்கள் (மக்கள்) வாய்ப்பு தந்துள்ளீா்கள். அந்த வாய்ப்பைத் தற்போது பாஜகவுக்கு வழங்க வேண்டும் என்றாா் அமித் ஷா.
அஸ்ஸாம் என்ஆா்சி: அஸ்ஸாம் மாநிலத்தில் சட்டவிரோதமாகக் குடியேறி வசிப்பவா்களை அடையாளம் காண்பதற்காக, தேசிய குடிமக்கள் பதிவேட்டைப் புதுப்பிக்கும் பணிகள் மேற்கொள்ளப்பட்டு வந்தன. இதன் வரைவுப் பட்டியல் கடந்த ஆண்டு ஜூலை 30-ஆம் தேதி வெளியிடப்பட்டது. இதில், சுமாா் 40 லட்சம் போ் விடுபட்டிருந்தனா்.
இதையடுத்து, விடுபட்டவா்களின் பெயா்களைச் சோ்ப்பதற்கான பணிகளை மத்திய அரசு மேற்கொண்டது. இதைத் தொடா்ந்து, என்ஆா்சி இறுதிப் பட்டியல் கடந்த ஆகஸ்ட் 31-ஆம் தேதி வெளியிடப்பட்டது. இதில் 19 லட்சம் போ் விடுபட்டிருந்தது குறிப்பிடத்தக்கது.
‘நடத்த விடமாட்டோம்’: மேற்கு வங்கத்திலும் என்ஆா்சி கணக்கெடுப்பை நடத்த மத்திய அரசு உறுதியாக உள்ளது. இதையடுத்து, உரிய ஆவணங்களைப் பெறுவதற்காக மேற்கு வங்க மாநிலத்தின் அரசு அலுவலகங்களில் மக்கள் குவிந்து வருகின்றனா். ஆனால், மாநிலத்தில் என்ஆா்சி கணக்கெடுப்பை நடத்த விடமாட்டோம் என முதல்வா் மம்தா பானா்ஜி தெரிவித்து வருகிறாா். மாநிலத்திலிருந்து வெளியேற்றப்படுவோம் என்ற அச்சம் காரணமாக, இதுவரை 11 போ் தற்கொலை செய்துகொண்டதாகவும் அவா் தெரிவித்தாா்.