செவ்வாய்க்கிழமை 17 செப்டம்பர் 2019

வங்கிக் கடன் முறைகேடு: மெஹுல் சோக்சியின் ரூ.24.77 கோடி மதிப்பிலான சொத்துகள் முடக்கம்

DIN | Published: 12th July 2019 02:53 AM


பஞ்சாப் நேஷனல் வங்கியில் ரூ.13,000 கோடிக்கும் அதிகமாக மோசடி செய்து கடன் பெற்ற வழக்கில் குற்றம்சாட்டப்பட்டுள்ள வைர வியாபாரி மெஹுல் சோக்சிக்கு சொந்தமான ரூ.24.77 கோடி மதிப்பிலான சொத்துகளை அமலாக்கத் துறை முடக்கியது.
இதுகுறித்து அதிகாரிகள் கூறியதாவது:
மெஹுல் சோக்சிக்கு துபையில் உள்ள சில சொத்துகள், பென்ஸ் கார், உள்நாடு மற்றும் வெளிநாட்டில் உள்ள சில வங்கிகளில் வைத்திருந்த நிரந்தர வைப்பு நிதி ஆகியவற்றையும் சேர்த்து ரூ.24.77 கோடி மதிப்பிலான சொத்துகள் முடக்கப்பட்டன.
இந்த சொத்துகளுடன் சேர்த்து இதுவரை மொத்தம் ரூ.2,534 கோடி மதிப்பிலான சொத்துகள் முடக்கப்பட்டுள்ளன என்று அந்த அதிகாரிகள் தெரிவித்தனர்.
இந்த மோசடி தொடர்பாக தொழிலதிபரும், மெஹுல் சோக்சியின் உறவினருமான நீரவ் மோடிக்கு எதிராகவும் அமலாக்கத் துறை உள்ளிட்ட விசாரணை அமைப்புகள் வழக்குப் பதிவு செய்து விசாரித்து வருகிறது.
நீரவ் மோடியும், மெஹுல் சோக்சியும் வழக்குப் பதிவு செய்வதற்கு முன்பே நாட்டைவிட்டு வெளியேறிவிட்டனர். மெஹுல் சோக்சி, ஆன்டிகுவா நாட்டில் உள்ளார். சர்வதேச போலீஸாரின் உதவியுடன் அவருக்கு எதிராக பிடியாணையும் பிறப்பிக்கப்பட்டுள்ளது. ஆன்டிகுவா அரசிடமும் அவரை நாடு கடத்துமாறு இந்தியா கோரியுள்ளது.
 

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் - பதிவு இலவசம்!

More from the section

இட ஒதுக்கீடு மட்டுமே முழுமையான வளர்ச்சியை உறுதிப்படுத்தாது: மத்திய அமைச்சர் நிதின் கட்காரி 
'நல்ல உடல்நலத்துடனும், மகிழ்ச்சியுடனும் வாழ வேண்டும்' - பிரதமர் மோடிக்கு ராகுல் காந்தி வாழ்த்து!
காஷ்மீர் நிலவரம் குறித்து மலாலாவின் கருத்து: துப்பாக்கிச் சுடுதல் வீராங்கனை கண்டனம்!
இந்தியாவில் பல கட்சி ஜனநாயக முறை தோற்றுள்ளது: சர்ச்சைக்குத் திரி கிள்ளியுள்ள அமித் ஷாவின் பேச்சு 
பிரதமர் மோடியின் பரிசுப் பொருட்கள் ஏலம்: வெள்ளிக்கலசம் மற்றும் மோடியின் புகைப்படம் தலா ரூ.1 கோடிக்கு ஏலம்!