செவ்வாய்க்கிழமை 17 செப்டம்பர் 2019

தவறுகளுக்காக மக்களிடம் மன்னிப்புக் கேளுங்கள்: எம்எல்ஏக்களுக்கு மம்தா அறிவுறுத்தல்

DIN | Published: 12th July 2019 02:52 AM


கடந்த காலத்தில் செய்த தவறுகளுக்காக தொகுதி மக்களிடம் மன்னிப்புக் கோருங்கள் என்று தனது திரிணமூல் காங்கிரஸ் கட்சி எம்எல்ஏக்களுக்கு மேற்கு வங்க முதல்வர் மம்தா பானர்ஜி அறிவுறுத்தியுள்ளார்.
அண்மையில் நடைபெற்ற மக்களவைத் தேர்தலில் மேற்கு வங்கத்தில் மொத்தமுள்ள 42 தொகுதிகளில் 18 இடங்களை பாஜக வென்றது. இது திரிணமூல் காங்கிரஸைவிட 4 தொகுதிகள்தான் குறைவாகும். அதே நேரத்தில் திரிணமூல் காங்கிரஸ் 12 இடங்களை இழந்தது. இது மம்தா பானர்ஜிக்கு பெரும் பின்னடைவாக அமைந்தது.
இந்நிலையில், கொல்கத்தாவில் வியாழக்கிழமை தனது கட்சி எம்எல்ஏகள் கூட்டத்தை மம்தா பானர்ஜி நடத்தினார். அப்போது, அவர் பேசியது குறித்து கூட்டத்தில் பங்கேற்ற மூத்த தலைவர் ஒருவர் கூறியதாவது:
2021-ஆம் ஆண்டு மேற்கு வங்கத்தில் நடைபெறவுள்ள சட்டப் பேரவைத் தேர்தல் குறித்து ஆலோசிக்கப்பட்டது. அதில் திரிணமூல் காங்கிரஸ் மீண்டும் அமோக வெற்றி பெறும் அளவுக்கு கட்சியினரின் செயல்பாடுகள் இருக்க வேண்டும் என்று அறிவுறுத்தினார். கடந்த காலத்தில் செய்த தவறுகளுக்காக பொதுமக்களிடம் எம்எல்ஏக்கள் மன்னிப்புக் கேட்க வேண்டும். பொது நிகழ்ச்சிகளில் பங்கேற்கும்போது பணிவுடன் நடந்து கொள்ள வேண்டும் என்றும் மம்தா பானர்ஜி அறிவுறுத்தினார் என்றார்.
 

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் - பதிவு இலவசம்!

More from the section

இட ஒதுக்கீடு மட்டுமே முழுமையான வளர்ச்சியை உறுதிப்படுத்தாது: மத்திய அமைச்சர் நிதின் கட்காரி 
'நல்ல உடல்நலத்துடனும், மகிழ்ச்சியுடனும் வாழ வேண்டும்' - பிரதமர் மோடிக்கு ராகுல் காந்தி வாழ்த்து!
காஷ்மீர் நிலவரம் குறித்து மலாலாவின் கருத்து: துப்பாக்கிச் சுடுதல் வீராங்கனை கண்டனம்!
இந்தியாவில் பல கட்சி ஜனநாயக முறை தோற்றுள்ளது: சர்ச்சைக்குத் திரி கிள்ளியுள்ள அமித் ஷாவின் பேச்சு 
பிரதமர் மோடியின் பரிசுப் பொருட்கள் ஏலம்: வெள்ளிக்கலசம் மற்றும் மோடியின் புகைப்படம் தலா ரூ.1 கோடிக்கு ஏலம்!