வியாழக்கிழமை 22 ஆகஸ்ட் 2019

அமர்நாத் யாத்திரை: 11-ஆவது குழுவாக 5,486 பேர் பயணம்

DIN | Published: 12th July 2019 01:16 AM


அமர்நாத் குகைக்கோயிலில் உள்ள பனிலிங்கத்தை தரிசனம் செய்வதற்கு, 11-ஆவது குழுவாக 5,486 பேர் வியாழக்கிழமை யாத்திரை புறப்பட்டுச் சென்றனர்.
தெற்கு காஷ்மீரில் இமயமலையில் 3,880 மீட்டர் உயரத்தில் இருக்கும் அமர்நாத் குகைக் கோயிலில் உள்ள பனிலிங்கத்தை தரிசனம் செய்வதை ஹிந்து மதத்தினர் தங்களது புனித கடமையாக கருதுகின்றனர். இதையொட்டி, அமர்நாத்துக்கு ஆண்டுதோறும் ஆயிரக்கணக்கானோர் புனித பயணம் செல்கின்றனர்.
நிகழாண்டுக்கான அமர்நாத் யாத்திரை, ஜம்முவில் கடந்த மாதம் 30-ஆம் தேதியும், காஷ்மீரில் ஜூலை 1-ஆம் தேதியும் தொடங்கியது. இதையடுத்து பக்தர்கள் யாத்திரை சென்று வருகின்றனர்.
இந்நிலையில், 11-ஆவது குழுவாக 5,486 பேர் அமர்நாத்துக்கு வியாழக்கிழமை புறப்பட்டுச் சென்றனர். 5,486 பேரில் 4,004 பேர் ஆடவர்கள். 1,245 பேர் பெண்கள். 10 பேர் குழந்தைகள், 227 சீயர்கள் ஆவர். இவர்கள் அனைவரையும் ஏற்றிக் கொண்டு, ஜம்முவிலுள்ள பகவதிநகர் முகாமில் இருந்து 221 வாகனங்கள், பகல்காம் மற்றும் பல்தால் பகுதிகளுக்கு புறப்பட்டுச் சென்றன.
பகல்காம் பாதை வழியாக 3,357 யாத்ரீகர்களும், பல்தால் பாதை வழியாக 2,129 யாத்ரீகர்களும் அமர்நாத் கோயிலுக்கு செல்கின்றனர். யாத்ரீகர்களின் வாகனங்களுக்கு பாதுகாப்பாக சிஆர்பிஎஃப் படைப்பிரிவினரின் வாகனங்களும் சென்றுள்ளன.
அமர்நாத் யாத்திரை தொடங்கியது முதல், பகவதிநகர் முகாமில் இருந்து இதுவரை 53,032 பேர் புனித பயணம் சென்றுள்ளனர். 
அமர்நாத் யாத்திரை வரும் ஆகஸ்ட் மாதம் 15-ஆம் தேதி  வரை நடைபெறவுள்ளது. அமர்நாத் யாத்திரையில் பயங்கரவாதிகள் தாக்குதல் நடத்தலாம் என்று அஞ்சப்படுவதால், யாத்திரை நடைபெறும் வழித்தடங்களில் பலத்த பாதுகாப்பு ஏற்பாடுகள் செய்யப்பட்டுள்ளன.
கடந்த 2018-ஆம் ஆண்டில் அமர்நாத் குகைக் கோயிலில் 2.85 லட்சம் யாத்ரீகர்கள் சுவாமி தரிசனம் செய்தனர். கடந்த 2015-ஆம் ஆண்டில் 3.52 லட்சம் பேரும், கடந்த 2016-ஆம் ஆண்டில் 3.20 லட்சம் பேரும், கடந்த 2017-ஆம் ஆண்டில் 2.60 லட்சம் பேரும் அமர்நாத் கோயிலில் சுவாமி தரிசனம் செய்தனர்.
 

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் - பதிவு இலவசம்!

More from the section

ப.சிதம்பரம் கைது: ஐஎன்எக்ஸ் மீடியா வழக்கில் சிபிஐ நடவடிக்கை
இந்தியா-ஜாம்பியா இடையே : 6 ஒப்பந்தங்கள் கையெழுத்து
ரயில் நிலையங்களில் நெகிழி பயன்பாட்டுக்கு தடை: அக்.2 -இல் அமலுக்கு வருகிறது
முதல் ரஃபேல் விமானம் செப். 20-இல் ஒப்படைப்பு
பாகிஸ்தானுக்கு செல்லும் நதி நீரை தடுக்க மத்திய அரசு நடவடிக்கை: மத்திய நீர்வளத் துறை அமைச்சர்