இந்தியா

உன்னாவ் வழக்கில் குல்தீப் சிங் செங்கார் குற்றவாளி: தில்லி நீதிமன்றம் தீர்ப்பு

16th Dec 2019 03:12 PM

ADVERTISEMENT


புது தில்லி: உத்தரப் பிரதேச மாநிலம் உன்னாவ் பகுதியில் இளம்பெண் பாலியல் வன்கொடுமை செய்யப்பட்ட வழக்கில் பாஜக முன்னாள் எம்எல்ஏ குல்தீப் செங்கார் குற்றவாளி என தில்லி நீதிமன்றம் தீர்ப்பளித்துள்ளது.

மிகவும் பரபரப்பான உன்னாவ் வழக்கில், குல்தீப் செங்கார் குற்றவாளி என்று வழக்கை விசாரித்து வந்த தில்லி தீஸ் ஹசாரி நீதிமன்ற நீதிபதி தா்மேஷ் சா்மா தீர்ப்பளித்துள்ளார்.

குல்தீப் செங்காருக்கான தண்டனை விவரம் வரும் 19ம் தேதி வழங்கப்படும் என்றும் நீதிபதி தெரிவித்துள்ளார்.

நாட்டையே உலுக்கிய உன்னாவ் வழக்கு விசாரணை, உச்சநீதிமன்றத்தின் அறிவுறுத்தலின்படி லக்னௌவில் இருந்து தில்லிக்கு மாற்றப்பட்டிருந்தது. இதையடுத்து கடந்த ஆகஸ்ட் 5-ஆம் தேதி முதல் இந்த வழக்கின் விசாரணை அன்றாடம் நடைபெற்று வந்தது குறிப்பிடத்தக்கது.

ADVERTISEMENT

குல்தீப் சிங் செங்கார் குற்றவாளி என தீர்ப்பு: ஜூன் 4, 2017 முதல் இன்று வரை!

பாஜக முன்னாள் எம்எல்ஏ குல்தீப் செங்காரால் தான் பாலியல் வன்கொடுமை செய்யப்பட்டதாக உத்தரப் பிரதேச மாநிலம், உன்னாவ் பகுதியைச் சோ்ந்த பெண் ஒருவா் கடந்த 2017-ஆம் ஆண்டு புகாா் அளித்தாா். பாலியல் வன்கொடுமைக்கு ஆளாகியதாக குறிப்பிட்ட காலகட்டத்தில் அவா் 17 வயது இளம்பெண்ணாக இருந்தது குறிப்பிடத்தக்கது. இந்த விவகாரத்தில் குல்தீப் செங்காா் கடந்த ஆண்டு கைது செய்யப்பட்டு சிறையில் அடைக்கப்பட்டாா். இந்நிலையில், கடந்த ஜூலை மாதம் அந்தப் பெண் தனது உறவினா்களுடன் சென்றுகொண்டிருந்த காா் மீது லாரி மோதி விபத்து நோ்ந்ததில் அவா் படுகாயமடைந்தாா். அவரது உறவினா்கள் இருவா் உயிரிழந்தனா்.

இதில் பாதிக்கப்பட்ட பெண் தில்லி எய்ம்ஸ் மருத்துவமனையில் சிகிச்சை பெற்றுவந்த நிலையில், இந்த விபத்து விவகாரம் தொடா்பாக குல்தீப் செங்காா் மீது கொலை முயற்சி வழக்கு பதிவு செய்யப்பட்டது. எனினும் அந்த வழக்கு விசாரணையின் நிறைவில் அவா் விடுவிக்கப்பட்டாா். 

இந்நிலையில், அவருக்கு எதிரான பாலியல் வன்கொடுமை வழக்கில், குல்தீப் செங்கார் குற்றவாளி என்று தீர்ப்பளிக்கப்பட்டுள்ளது.
 

Tags : Unnao Case
ADVERTISEMENT

MORE FROM THE SECTION

ADVERTISEMENT