சனிக்கிழமை 23 பிப்ரவரி 2019

மேக்கேதாட்டு அணை முடிவை கைவிடப்போவதில்லை: கர்நாடக அரசு திட்டவட்டம்

DIN | Published: 06th December 2018 08:37 PM

 

மேக்கேதாட்டு அணை கட்ட எதிர்ப்பு தெரிவித்தும், தமிழகத்தின் இசைவின்றி காவிரியில் அணை கட்டக்கூடாது என கர்நாடகாவுக்கு மத்திய அரசு உத்தரவிடக் கோரும் தீர்மானம் தமிழக சட்டப்பேரவையில் வியாழக்கிழமை நிறைவேற்றப்பட்டது

இதுகுறித்து பிரதமர் நரேந்திர மோடிக்கு தமிழக முதல்வர் எடப்பாடி பழனிசாமி கடிதம் அனுப்பினார். மேலும் அதனுடன், தமிழக அரசின் தீர்மானம் தொடர்பான ஆவணமும் மத்திய அரசுக்கு அனுப்பிவைக்கப்பட்டது. 

அந்த கடிதத்தில் தீர்மான நகலுடன், தமிழகத்தின் அனுமதியின்றி காவிரியில் எவ்வித கட்டுமானப் பணிகளையும் மேற்கொள்ளக்கூடாது என கர்நாடகா அரசுக்கு மத்திய அரசு உத்தரவிட வேண்டும் எனவும் முதல்வர் பழனிசாமி குறிப்பிட்டுள்ளார்.

இந்நிலையில், மேக்கேதாட்டுவில் அணை கட்டும் முடிவை ஒருபோதும் கைவிடப்போவதில்லை என கர்நாடக அரசு திட்டவட்டமாக தெரிவித்துள்ளது. மேலும், அணை கட்டுவது குறித்து ஆய்வுப் பணிகள் வெள்ளிக்கிழமை முதல் தொடங்கப்படும் என்றும் கர்நாடக அரசு அறிவித்துள்ளது. 

More from the section

காங்கிரஸ் தொண்டர்கள் கொலை சம்பவத்தில் கடும் நடவடிக்கை: பினராயி விஜயன்
இந்தியா உபரி நதிநீரை நிறுத்துவதால் கவலை இல்லை: பாகிஸ்தான்
வாக்குப் பதிவு இயந்திரங்களில் மென்பொருள்: தேர்தல் ஆணையத்திடம் பதில் கோரியது உச்சநீதிமன்றம்
ஐஎன்எக்ஸ் மீடியா ஊழல்: ப.சிதம்பரத்துக்கு எதிராக விரைவில் சிபிஐ குற்றப்பத்திரிகை
நீதிபதிகள் நியமனத்தை மத்திய அரசு தாமதிக்கவில்லை: உச்சநீதிமன்றம்