வியாழக்கிழமை 22 ஆகஸ்ட் 2019

உடல் எடையை வெகுவாக குறைக்க உதவும் துவையல்

By கோவை பாலா| DIN | Published: 10th July 2019 10:53 AM

வெங்காயத்தாள் துவையல்

தேவையான பொருட்கள்

வெங்காயத் தாள் (நறுக்கியது) - 200 கிராம்
தேங்காய்த் துருவல் - 50 கிராம்
பெருஞ்சீரகம் - அரை ஸ்பூன்
சீரகம் - அரை ஸ்பூன்
மிளகு - 10 கிராம்
பூண்டு - 10 பல்
இஞ்சி - ஒரு துண்டு
பெருங்காயம் - கால் ஸ்பூன்
மஞ்சள் - கால் ஸ்பூன்
தக்காளி - 3
எலுமிச்சை பழம் - பாதியளவு

முதலில் வாணலியில் எண்ணெய் விட்டு அதில் வெங்காயத் தாளை போட்டு, எலுமிச்சம் பழத்தை பிழிந்து விட்டு நன்கு வதக்கிக் கொள்ளவும். பிறகு மிளகு, சீரகம், பெருஞ்சீரகம், பூண்டு, கொத்தமல்லி, புதினா, கறிவேப்பிலை, இஞ்சி ஆகியவற்றை சேர்த்து அரைத்து வதக்கி வைத்துள்ள வெங்காயத்தாளுடன் சேர்த்து மறுபடியும் வதக்கிக் கொள்ளவும். தக்காளியை நறுக்கி வதக்கி அதனுடன் உப்பு, மஞ்சள், பெருங்காயம் ஆகியவற்றைச் சேர்த்து எடுத்து லேசாக மசித்துக் கொள்ளவும். கடைசியில் வாணலியில் சிறிது கடுகு, பருப்பு போட்டுத் தாளித்து அதனுடன் வதக்கிய வெங்காயத் தாளையும், மசித்த தக்காளியையும் சேர்த்து ஒன்றாக கலக்கி லேசாக கொதிக்க வைத்து இறக்கிக் கொள்ளவும்.

பயன்கள் : இந்தத் துவையலை தினமும் உணவில் மூன்றுவேளையும் சேர்த்து வந்தால் உடல் எடை வெகுவாக குறைவதற்கு வெங்காயத்தாள் துவையல்  பயனளிக்கும்.

இரவு படுக்கப் போகும் முன் வெற்றிலை (2), மிளகு(2), உலர் திராட்சை (5) இவை மூன்றையும் சேர்த்து  தினமும் படுக்கப் போகும் முன் வாயில் போட்டு மென்று தின்று முழுங்கவும்.

குறிப்பு : அனைத்து காய்களையும், கீரைகளையும் நீராவியில் வேக வைத்து உணவாக சாப்பிட்டு வரவும். பச்சை மிளகாய்க்கு மாற்றாக இஞ்சியையும் வர மிளகாய்க்கு மாற்றாக மிளகையும் பயன்படுத்தவும்.

கோவை பாலா
இயற்கை வாழ்வியல் நல ஆலோசகர்
96557 58609 / Covaibala

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் - பதிவு இலவசம்!
Tags : Body weight BMI reduce weight

More from the section

அத்திவரதர் பெருவிழா: மருத்துவ முகாம்களில் 1.39 லட்சம் பேருக்கு இலவச சிகிச்சை: சுகாதாரத்துறை அமைச்சர் சி.விஜயபாஸ்கர்
டெங்கு பாதிப்பு: உள்ளாட்சி அமைப்புகளுக்கு சுகாதாரத் துறை முக்கிய அறிவுறுத்தல்
நாட்டிலுள்ள அனைத்து மாவட்டங்களிலும் இஎஸ்ஐ மருத்துவமனைகள்: மத்திய தொழிலாளர் நலத்துறை அமைச்சர்
பகுதி 5: அடம் பிடிப்பு, கவனம் ஈர்க்க முயற்சி?
இந்த சீஸனில் கிடைக்கும் இந்தப் பழத்தை உடனடியாக வாங்குங்க!