வெள்ளிக்கிழமை 23 ஆகஸ்ட் 2019

எச்சரிக்கை! வைட்டமின் டி இல்லையென்றால் இந்த ஆபத்துகள் ஏற்படும்!

DIN | Published: 28th February 2019 10:52 AM

இன்றையக் காலக்கட்டத்தில் பெரும்பாலான மக்களுக்கு வைட்டமின் டி பற்றாக்குறை உள்ளது. இந்தியா சூரிய ஒளி அதிகம் கிடைக்கக் கூடிய வெப்ப மண்டல நாடு. சூரிய ஒளிக்கும் வைட்டமின் 'டி’க்கும் என்ன சம்பந்தம் என்று நினைக்கிறீர்களா? சூரிய ஒளிதான் வைட்டமின் டி கிடைப்பதற்கு மிகப் பெரிய ஆதாரம். இதனால்தான் இதற்கு சன் ஷைன் வைட்டமின் என்று ஒரு பெயரும் உள்ளது.

வைட்டமின் டி மட்டுமே தோலில் இருந்து உற்பத்தியாகும் ஒரே வைட்டமின். மற்ற வைட்டமின்கள் எல்லாம் பழங்கள், காய்கறிகள் மூலமே நமக்கு கிடைக்கின்றன. தோலில் இருந்து பெறப்பட்ட வைட்டமின் ரசாயன மாற்றத்திற்கு உட்படுத்தப்பட்டு பின்னர் மூளை, நரம்பு, தசை என உடலில் ஒவ்வொரு திசுவுக்கும் அனுப்பி வைக்கப்படுகிறது. 

இதனால் வைட்டமின் டி குறைபாடு என்பது தசை பிடிப்பு அல்லது வலி, நரம்பு மண்டலத்தில் எரிச்சல் போன்றவை ஏற்பட காரணமாக இருக்கிறது. உங்களுக்கு நீண்ட நாட்களாக காரணமே தெரியாமல் உடலில் வலி இருந்தால் அதற்கு வைட்டமின் டி குறைபாடு காரணமாக இருக்கலாம். கால்சியத்தை உறிஞ்சி எலும்பை பலப்படுத்த வைட்டமின் டி உதவுகிறது. வைட்டமின் டி குறையும் போது கால்சியம் கிரகிக்கப்படும் தன்மை குறைந்து எலும்புகள் பலவீனம் அடைகின்றன. இதனால் புற்றுநோய், ஆஸ்டியோபெராசிஸ் போன்ற பிரச்னை வருவதற்கு காரணமாகிவிடுகிறது. 

வைட்டமின் டி குறைபாட்டை எப்படி கண்டறிவது? எளிய ரத்தப் பரிசோதனை மூலம் வைட்டமின் டி குறைபாட்டை கண்டறிந்துவிடமுடியும். ஒருவேளை நீங்கள் வைட்டமின் டி குறைபாட்டால் பாதிக்கப்பட்டிருந்தால் முதல்கட்டமாக உங்கள் மருத்துவரை ஆலோசித்து அவர் பரிந்துரையின் பேரில், வைட்டமின் டி சத்து மாத்திரையையை குறைந்தது மூன்று முதல் ஆறு மாதங்களுக்கு எடுத்துக்கொள்ள வேண்டும். உங்கள் மருத்துவர்தான் நீங்கள் எவ்வளவு அளவு மாத்திரையை எடுத்துக்கொள்ள வேண்டும் என்று கூறமுடியும். ஆறு மாதம் கழித்து வித்தியாசத்தை மீண்டும் ஒரு ரத்த பரிசோதனை மூலம் கண்டறியலாம். இதுதவிர, வைட்டமின் டி அதிக அளவில் நிறைந்துள்ள முட்டை, பால், மீன், மீன் எண்ணெய், காளான் போன்றவற்றை எடுத்துக்கொள்ளலாம். தினமும் காலை நேரத்தில் ஒரு 10 நிமிடங்கள் சூரிய ஒளியில் நடைபயிற்சி மேற்கொள்ளலாம். 

'வைட்டமின் டி'யின் நன்மைகள்

எலும்பு, பல், முடிக்கு பாதுகாப்பையும், இயங்க வழுவழுப்பையும் (லூப்ரிகன்ட்) அளிக்கிறது

திசுக்கள் வளர்ச்சியை ஒழுங்குபடுத்துகிறது. 

எலும்பு சம்பந்தமான பிரச்னைகள் வருவதைத் தடுக்கிறது

மெனோபாசுக்குப் பிறகு பெண்களுக்கு ஏற்படும் மார்பக புற்றுநோய் வருவதற்கான வாய்ப்பபை குறைக்கிறது.

- டாக்டர் விஸ்வநாதன், பிடி. கன்சல்டென்ட் தெரபிஸ்ட் (ஸ்போர்ட்ஸ் & மஸ்குலர் ஸ்கெலிடல்) பிசிசி பானல் பிஸியோ தெரபிஸ்ட்

வைட்டமின் டி பற்றாகுறை பற்றி உணவுச் சத்து நிபுணர் திவ்யா புருஷோத்தமன் அண்மையில் தினமணி நிறுவனத்தில் பங்கேற்ற நிகழ்ச்சியில் பேசியதின் காணொளியின் ஒரு பகுதி இது 

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் - பதிவு இலவசம்!
Tags : vitamin d health sun shine vitamin வைட்டமின் டி சூரிய ஒளி உடல் நலம்

More from the section

உடலுக்கு ஊட்டத்தையும், வலிமையையும் கொடுக்கும் அமிர்தமான உணவு
மரபணுசார் எலும்பு இறுக்க நோய்: 6 வயது சிறுவனுக்கு அரசு மருத்துவமனையில் மறுவாழ்வு
காசநோய்க்கு 69 ஆயிரம் பேர் பாதிப்பு
ஆண்மையை அதிகரிக்கும் அற்புத கஞ்சி
அத்திவரதர் பெருவிழா: மருத்துவ முகாம்களில் 1.39 லட்சம் பேருக்கு இலவச சிகிச்சை: சுகாதாரத்துறை அமைச்சர் சி.விஜயபாஸ்கர்