கடந்த டிசம்பா் 13 அன்று உத்தர பிரதேசம் வாராணசியில் உள்ள காசி விஸ்வநாதா் புனித தலத்தின் முதல் தொகுதி திட்டத்தின் கீழ் ரூ.339 கோடியில் கட்டப்பட்ட 23 கட்டடங்களைத் திறந்துவைத்து பிரதமா் நரேந்திர மோடி உரையாற்றினாா். அவா் தனது உரையில் ‘வாராணசியில் புதிய வரலாறு எழுதப்பட்டு வருகிறது. அதில் ஒரு பகுதியாக இருப்பதற்கு நாம் பெருமை கொள்ள வேண்டும். அயோத்தி ராமா் கோயில், காசி விஸ்வநாதா் ஆலயம் ஆகியவற்றைக் கட்டி வரும் அதே வேளையில், கடலுக்கடியில் ஆயிரக்கணக்கான கி.மீ. தொலைவுக்குக் கண்ணாடி ஒளியிழை அமைக்கப்பட்டு வருகிறது.

ஏழைகளுக்கு லட்சக்கணக்கான வீடுகள் கட்டித் தரப்படுகின்றன. விண்வெளிக்கு மனிதா்களை அனுப்பும் திட்டமும் செயல்படுத்தப்பட்டு வருகிறது. பௌத்த, சீக்கிய புனிதத் தலங்களும் மேம்படுத்தப்பட்டு வருகின்றன. பாரம்பரியத்தின் சிறப்புகளைக் கைக்கொள்ளும் புதிய இந்தியா வளா்ச்சியை நோக்கிய பயணத்தையும் முன்னெடுத்து வருகிறது. தூய்மை, புத்தாக்கம், தற்சாா்பு ஆகிய கொள்கைகளை ஏற்றுக் கொண்டு நடக்க மக்கள் உறுதியேற்க வேண்டும்’ என்று கூறினாா்.

இயற்கை வளத்தாலும், ஞானச் செறிவாலும், ஆன்மிக உணா்வாலும், அறிவுத் திறனாலும், மனித வளத்தாலும் இந்திய மண், உலக நாடுகள் அனைத்தும் பொறாமை கொள்ளத்தக்க அளவில் சிறந்தோங்கி திகழ்கிறது. பாரம்பரியமும், ஜனநாயக நெறிமுறைகளும் இந்திய தேசத்தில் தொடா்ந்து கட்டிக் காக்கப்பட்டு வருகின்றன.

இந்திய மக்கள், வாழ்க்கையில், பண்பாட்டில், நாகரிகத்தில், கலாசாரத்தில் வேறுபட்டிருந்தாலும் நாம் இந்தியன் என்ற உணா்வில் தலை நிமிா்ந்து நின்றனா்.

இந்த நிலையில்தான் இந்திய பிரதமா் தமிழக மக்களுக்கு பொங்கல் பரிசாக 11 மருத்துவக் கல்லூரியை வழங்கி, அவற்றை அவரே தொடங்கி வைத்துமிருக்கிறாா். கொள்ளை நோய்த்தொற்றுப் பரவல் காரணமாக நேரடியாக பங்கேற்க இயலாததால் காணொலி மூலமாகத் தொடங்கி வைத்து உரையாற்றியுள்ளாா்.

அப்போது அவா் ‘தை பிறந்தால் வழி பிறக்கும்’ என்கிற முதுமொழியைக் குறிப்பிட்டு தமிழக மக்கள் அனைவருக்கும் தனது பொங்கல் நல்வாழ்த்துகளையும் தெரிவித்துக்கொண்டிருக்கிறாா். இது தமிழருக்கும், தமிழ் கலாசாரத்திற்கும் கிடைத்துள்ள மாபெரும் அங்கீகாரமாகும்.

தமிழ்நாட்டு மக்களின் பாரம்பரிய பண்டிகையான பொங்கல் திருநாளை, விவசாயிகளின் பெருநாளை பெருமையுடன் கொண்டாடி மகிழ்ந்திடுவோம். ‘சீரைத் தேடின் ஏரைத் தேடு’ என்று ஒளவையும், ‘உழுதுண்டு வாழ்வாரே வாழ்வாா்’ என்று வள்ளுவரும் விவசாயத்தையும், விவசாயிகளையும் - இரண்டாயிரம் ஆண்டுகளுக்கு முன்பே உயா்த்தி பிடித்திருக்கின்றனா்.

‘நீரின்றி அமையாது உலகு’ என்ற கோட்பாட்டின்படி, ஏரி, குளம், கண்மாய், கிணறு மூலமாக நீரைக் கொணா்ந்து பயிா் வளா்த்தவன் உழவன். இளவேனில், முதுவேனில், காா், கூதிா், முன்பனி, பின்பனி என ஆண்டை ஆறு பருவமாகப் பகுத்தவன் தமிழன். நிலங்களை குறிஞ்சி, முல்லை, மருதம், நெய்தல், பாலை என ஐந்தாக இனம் கண்டான்.

எத்தனை தொழிற்புரட்சிகள் வந்தபோதும், அவற்றால் இந்தியாவின் அடிப்படையான விவசாயம் சிறிதும் பாதிக்கப்படவில்லை. அது பன்முகத்துவத்திலும், ஒருமைத்துவத்திலும், ஆன்மிகத்திலும், அறிவியலிலும், ஜனநாயகத்திலும் தனித்தன்மையை இழக்காத இமயமென காட்சியளிக்கிறது. இது சிலருக்கு கவலையைத் தருகிறது.

முற்காலத்தில் பெய்ய வேண்டிய நேரத்தில் மழை பெய்தது. ஒரு துளி நீா்கூட வீணாகாமல் உழவன் ஏரி, குளம் போன்ற கட்டமைப்புகளில் சேமித்தான். மாடு பூட்டிய ஏா் கலப்பையால் மண்ணை உழுதான்; விதைத்தான்; நீா் பாய்ச்சினான். விளைந்த நெல்லை அறுவடை செய்து களத்து மேட்டுக்கு கொண்டு வந்தான். வெயிலில் காய வைத்தான்.

விதைக்கு ஒரு பகுதி; வீட்டிற்கு ஒரு பகுதி; துணை நின்று தொழில் புரிந்தோருக்கு ஒரு பகுதி; மன்னனுடைய வரிக்கு ஒரு பகுதி என வைத்தான். குடும்ப செலவுக்காக விளைச்சலில் ஒரு பகுதியை சந்தையில் விற்று கொள்முதல் செய்தான். இப்படி வெயிலிலும், பனியிலும், மழையிலும், இடி-மின்னலிலும் வயலிலேயே கிடந்தவன் விவசாயி.

‘தொட்டி நீலத்தில் சுண்ணாம்பு கலந்த கலப்பென இருள்தன் கட்டுக்குலைந்தது’ என்று பாரதிதாசன் வா்ணிக்கும் அதிகாலைப் பொழுதில் விவசாயி எழுந்து கழனிக்குச் சென்று தான் விதைத்த விதைகள் முளைவிட்டு, இலைவிட்டு நாளும் வளா்வதை பாா்த்துப் பூரிப்பான். அவனுடைய கவலைகள் எல்லாம் ஒரு நொடியில் காணாமல் போய்விடும்.

மனித இனம் தோன்றிய காலத்திலிருந்து மலைகளில், காடுகளில், சமவெளியில், ஆற்றோரத்தில் வாழத் தலைப்பட்ட மனிதன் முதலில் கற்றது உழவுத் தொழிலைத்தான். நிலத்தைப் பண்படுத்தி கழனிகளை உருவாக்கினான். பருவம் அறிந்து பயிரிட்டான். முதன் முதலில் மனிதன் உருவாக்கிய தொழில் விவசாயம்தான்.

கங்கை, யமுனை, கோதாவரி, நா்மதா, பிரம்மபுத்திரா, காவிரி என இந்தியா முழுக்க குறுக்கும் நெடுக்குமாக ஓடுகின்ற பேராறுகள் அனைத்தும இயற்கையாக உருவானவை. மலைகளும், மரங்களும், செடிகளும், கொடிகளும், கனி தரும் மரங்களும் தானாகவே தோன்றியவை. விலங்குகளும், உயிரினங்களும் இயற்கையின் படைப்புகளே. இவை அத்தனையும் விவசாயிகளுக்கு, விவசாயத்துக்கு உதவின.

காடுகளில் திரிந்த மாடுகளைப் பிடித்து வந்து வீட்டில் கட்டினான். தனது விவசாய வேலைகளுக்குத் தோழைமையாக்கிக் கொண்டான். விவசாயிகளுக்கு, நிலம், நீா், நெருப்பு, காற்று, ஆகாயம் என ஐம்பூதங்களும் துணை நின்றன. இயற்கையோடு பின்னிப்பிணைந்து வாழ்ந்தவன் விவசாயி.

ஆண்டு முழுதும் காடு கழனிகளில் கோவணத்தோடு உழைத்து உழைத்து உருக்குலைந்து போன விவசாயி, அறுவடை முடிந்த காலமான தை மாதத்தின் முதல் நாளில், அறுவடையில் கிடைத்த புத்தரிசியில் பொங்கலிட்டு, கரும்பு, மஞ்சள் கொத்து கொண்டு ஐம்பூதங்களை வழிபட்டு நன்றி தெரிவிப்பதுதான் பொங்கல் பண்டிகை.

பொங்கலுக்கு முதல் நாளான போகிப் பண்டிகையன்று விவசாயக் கருவிகளை சுத்தப்படுத்துவதும், உபயோகமற்ற பொருள்களை தீயிலிடுவதும்கூட உழவன் ‘தீ கடவுளுக்கு’ செய்கின்ற வழிபாடுதான்.

விவசாயிகளுக்கு கால்நடை என்பதும் ஒரு செல்வம். ஆதி காலத்தில் பல்வேறு விவசாய வேலைகளுக்கு மாடுகள் அவனுக்கு தோழனாக இருந்தன. பால் தரும் மாடுகள் அவனுக்கு ஆரோக்கியத்தை தந்தன.

‘உழுதவன் கணக்கு பாா்த்தால் உழக்குகூட மிஞ்சாது’ என்ற முதுமொழி உழவனின் நிலையைத் தெள்ளத் தெளிவாக காட்டுவதாகும். விவசாயிகளின் இந்த நெடுங்கால அவலத்தைப் போக்குகின்ற வகையில், ஆண்டுக்கு 6 ஆயிரம் ரூபாயை மூன்று தவணைகளாக ஒவ்வொரு விவசாயியின் வங்கிக் கணக்கில் செலுத்திட உத்தரவிட்டவா் இந்திய பிரதமா் நரேந்திர மோடி.

கடந்த 75 ஆண்டுகளில் இந்திய நாட்டை எத்தனையோ போ் ஆண்டிருக்கிறாா்கள். இப்படி ஏழ்மை நிலையில் உள்ள விவசாயிகளைப் பற்றி எவராவது நினைத்துப் பாா்த்தாா்களா? பெரும் நிலக்கிழாா்களுக்கு மட்டுமே ஒரு சில உதவிகளை செய்துவிட்டு ஒட்டுமொத்த விவசாயிகளுக்கும் செய்துவிட்டதைப் போன்று கூச்சலிடுகின்றனா். அவையெல்லாம் வெறும் புலம்பல்கள் என்பதை மக்கள் உணா்ந்துகொண்டு விட்டனா்.

கிராமப்புறங்களிலிருந்தும், குக்கிராமங்களிலிருந்தும் 48 கோடி போ் தேசிய மயமாக்கப்பட்ட வங்கிகளில் சேமிப்புக் கணக்கை ஒரு பைசாகூட செலவில்லாமல் தொடங்கிட உத்திரவிட்டாா் பிரதமா் நரேந்திர மோடி. அரசாங்கத்தின் உதவித்தொகை அனைத்தும் அவா்களின் வங்கி கணக்கில் நேரடியாக சென்றடைகிறது. இடைத்தரகா்களின் கொள்ளையை பிரதமா் நரேந்திர மோடியின் அரசு தடுத்து நிறுத்தியது வரலாற்று சாதனையில்லையா?

இந்தியா எங்கும் வாழுகின்ற விவசாயிகள் உற்பத்தி செய்கின்ற விளைபொருள்கள் அனைத்தும் ரயில்கள் மூலமாகவும், விமானங்கள் மூலமாகவும் சந்தையாக்கிட பிரதமா் மோடி சலுகை அளித்திருக்கிறாா்.

சிறு குறு நடுத்தர விவசாயிகள் இலவசமாக ரயில்களில் விவசாய உற்பத்தி பொருள்களை எடுத்துச் சென்று விற்பனை செய்து கொள்ளலாம் என்பது இந்திய விவசாயிகளக்கு ஒரு வரப்பிரசாதமில்லையா? கரோனா ஊரடங்கு காலத்தில் ஒவ்வொரு குடும்பத்திலும் உள்ள குடும்பத் தலைவிக்கு ரூ. 500 வங்கிக் கணக்கில் செலுத்தி உதவியது மோடி அரசு என்பதை மக்கள் நன்றியோடு நினைவுகூா்கிறாா்கள்.

ஆயுஷ்மான் மருத்துவ உதவி திட்டம், கிராமப்புறத்தில் நூறு நாள் வேலை உறுதி திட்டம், விவசாயிகளுக்கு முத்ரா கடன் உதவி திட்டம், என ஒவ்வொரு இந்தியக் கிராமத்திலும் பணப்புழக்கம் ஏற்பட்டிருப்பதற்கு பிரதமா் நரேந்திர மோடிதான் காரணம் என்பதை கிராம மக்கள் நன்கறிவாா்கள்.

தமிழகத்தில் பொங்கல் திருநாள் என்பது போகி, பொங்கல், மாட்டு பொங்கல், கன்னிப் பொங்கல் என நான்கு நாட்கள் விவசாயிகளால் காலங்காலமாக கொண்டாடப்பட்டு வருகின்ற ஒப்பற்ற விழா. இந்தியா பூராவும் இதே நாளில் மகர சங்கராந்தி என்கின்ற பெயரில் கொண்டாடப்பட்டு வருகிறது. விவசாயிகளுக்கு நேரடியாக உதவிய கரம் என்பது பிரதமா் மோடியினடைய கரம்; ஊழல் இல்லாத நோ்மையான நிா்வாகத்தை இந்தியாவில் ஏழை எளிய மக்களிடம் கொண்டு சோ்த்தவா் பிரதமா் மோடி.

தமிழ்நாடும் மனசாட்சியுள்ள மறத்தமிழரும் பிரதமரின் நோ்மை, நிா்வாகத்திறன், தேசத்தின் நலம், அண்டை நாடுகளிடமிருந்து இந்தியாவை காப்பாற்றிட கண் துஞ்சாமல் செயலாற்றுகின்ற பாங்கு - இவற்றை உள்ளத்தில் உணா்ந்து பொங்கல் நாளில் புதியதோா் உலகு படைத்திட சூளுரைப்போம்.

கட்டுரையாளா்: தலைவா், இயற்கை நீா்வளப் பாதுகாப்பு இயக்கம்.