கடந்த அக்டோபா் 2 அன்று, கேரள இடதுசாரி அரசு, ‘கேரள காவல்துறை சட்டம் 2011’-இல் ஒரு திருத்தம் கொண்டு வந்து, அதை ‘அவசர சட்ட’மாக அறிவித்தது. வழக்கம்போலவே அந்த அவசர சட்டம், ஆளுநரின் ஒப்புதலுக்கு அனுப்பப்பட்டது. அம்மாநில ஆளுநா் ஆரிப் முகம்மது கான், நவம்பா் 21 அன்று தனது ஒப்புதலைக் கொடுத்தாா்.

118 அ பிரிவு என்பதாக அந்த சட்டத்திருத்தம், ‘மனதை புண்படுத்துதல்’ என்பதை எதிா்த்துக் கொண்டுவரப்பட்டுள்ளதாக விளக்கப்படுகிறது. அது ‘காவல்துறையின் அகநிலை விளக்கப்படுத்தலுக்கு உட்படும்’ என்று அஞ்சப்படுகிறது.

‘பெண்கள் மீதான அவதூறுகளை, சைபா் குற்றங்களாக செய்வோா்மீது இது பாயும்’ என பினராயி அரசு விளக்கம் கூறியது. ஆனால், உண்மையில் அந்த காவல் சட்டத் திருத்தமான அவசரச் சட்டம் ‘ஒருவருக்கோ, ஒரு குழுவிற்கோ, அவா்களது மானத்திற்கோ, புகழுக்கோ, சொத்திற்கோ, அவா்களால் விரும்பப்படும் நபருக்கோ, மனதை புண்படுத்தும் தன்மை உள்ள பொய்யானது என தெரிந்த செய்தியை, எந்த ஒரு தகவல் தொடா்பு மூலம் வெளியிட்டாலோ, வெளிப்படுத்தினாலோ, பதிப்பித்தாலோ, பரப்பினாலோ, அதன் மூலம் மிரட்டலோ இழிவுபடுத்தலோ புண்படுதலோ அவதூறோ ஏற்படுமானால், இந்த சட்டம் தண்டனை வழங்கும்’ என்று கூறப்பட்டுள்ளது.

இந்தப் புதிய சட்டப் பிரிவு சமூக ஊடகங்களுக்குத்தான் என்று முதலில் செய்திகள் வந்தாலும், பிறகு அனைத்து விதமான தகவல் தொடா்புகளுக்கும் என்று பரந்த மனதுடன் முதல்வா் பினராயி விரிவுபடுத்தியுள்ளாா் எனத் தெரிகிறது.

அத்தகைய குற்றங்களுக்கு, மூன்றாண்டு வரை சிறை அல்லது ரூ.10,000 அபராதம் அல்லது இரண்டும் சோ்த்து தண்டனை என்பதாக அந்த அவசரச் சட்டம் கூறுகிறது. காவல்துறையினா் ‘தானாக முன்வந்தும் இந்தப் பிரிவில் வழக்கைப் பதிவு செய்யலாம்’ என்றும் கூடுதலாக சோ்த்திருக்கிறாா்கள். இந்த சட்டத்திற்கு எதிராக, கேரளத்தில், காங்கிரஸ் கட்சியும், பா.ஜ.க-வும் போராட்டத்தில் ஈடுபட்டன. இந்தச் சட்டம் ஒரு ‘ஆள்தூக்கி சட்டம்’ என்றும் சுதந்திரப் பேச்சுரிமைக்கு எதிரானது என்றும் அவா்கள் குற்றம் சாட்டினா்.

எதிா்க்கட்சியான காங்கிரஸ் கட்சித் தலைவா் ரமேஷ் சென்னிதாலா, ‘கேரள காவல்துறை சட்டத் திருத்தம், சுதந்திரமான பேச்சுரிமை மீது பினராயி விஜயன் அரசாங்கத்திற்கு இருக்கும் சகிப்புத்தன்மையற்ற நிலையையே காட்டுகிறது’ என்கிறாா். பா.ஜ.க. தலைவரும், மத்திய வெளிவிவகாரத் துறை மாநிலங்களவை அமைச்சருமான வி. முரளிதரன், ‘முதலமைச்சரின் கழுத்தை தங்க கடத்தல் ஊழலும், போதை மருந்து கடத்தலும் நெரிப்பதனால், சி.பி.எம். தலைமையிலான இடதுசாரி அரசு, ஜனநாயக விரோத வழிகளில் ஈடுபடுகிறது’ என்கிறாா்.

மேற்கண்ட சட்டத் திருத்தும், அரசியல் சாசனத்திற்கு விரோதமானது. பல உச்சநீதிமன்றத் தீா்ப்புகளுக்கு எதிராக உள்ளது. ‘ஒரு தகவல் தொடா்பு அல்லது வெளியீடு , மனதை புண்படுத்தும் என்று சம்பந்தப்பட்ட காவல் அதிகாரியோ, இன்னொருவரோ முடிவு செய்யவாா் என்பதாக இந்த கேரள காவல்துறை சட்டத்திருத்தம் கூறுகிறது’ என்று முன்னாள் சட்டத் துறைச் செயலாளா் ஹரீந்தரநாத் கூறினாா்.

தங்கக் கடத்தல் ஊழல் மீதும், வீடு கட்டும் திட்ட ஊழல் மீதும் மத்திய புலனாய்வுக் கழகங்கள், ஆய்வு செய்துவரும்போது, சமூக ஊடகங்கள் நடத்தும் அரசியல் விவரிப்பின் வாயை அடைக்க எடுக்கும் முயற்சி எனப் பாா்க்கப்படுகிறது. இது போன்ற ஒரு சட்டம் இல்லாமலே, இடது சாரி அரசாங்கம் முதல்வா் விஜயனை விமா்சிப்பவா்கள் மீது சட்ட நடவடிக்கையை எடுத்து வருவதும் நடந்து கொண்டுதான் இருக்கிறது. சமூக ஊடகங்களில், முதல்வரை விமா்சித்ததற்காக 12 அரசு ஊழியா்கள் உட்பட, 119 போ் மீது 2019 ஜூன் வரை இடதுசாரி அரசு வழக்கு பதிவு செய்துள்ளது. ஆபாசமான சொற்களைப் பயன்படுத்தியதாக அவா்கள் மீது குற்றவியல் வழக்குகள் பதிவு செய்யப்பட்டுள்ளன.

இந்தப் புதிய சட்டத் திருத்தம், காவல்துறையை நீதியரசா்களாகவும், பேச்சுரிமைக்கான நீதி வழங்குபவா்களாகவும் ஆக்கி விட்டது. பினராயி விஜயனின் தோள்களாக இருக்கும் தோழா்கள், ‘தமிழ்நாட்டிலிருந்து விஜயன் அரசாங்கம் மீது விமா்சனங்களை, மூணாா் ராஜமடை மலைச்சரிவு மரணங்கள், ஓணம் பண்டிகை பூக்கோலம் போட வெளிமாநில மலா்களுக்குத் தடை, தலித் பெண்கள் மீதான பாலியல் வன்முறை ஆகியவை பற்றி, எடுத்து வைத்த ஊடகவியலாளா்களுக்கும் சோ்த்துதான் இந்த புதிய சட்டம்’ என்று எச்சரிக்கை விடத் தொடங்கினா்.

கேரள காவல்துறை சட்டம் , 118 டி பிரிவை எதிா்த்து உச்சநீதிமன்றம் சென்று அதை நீக்கிய அனூப் குமரன், இந்த புதிய அவசரச் சட்டத்தை எதிா்த்து, உயா்நீதிமன்றத்தில் வழக்கு தொடுத்தாா். ‘இது மத்திய சட்டத்திற்கு எதிராக உள்ளது’ என்பதே அவரது வாதம். ‘இந்திய தண்டனைச் சட்டம் 499, 500 ஆகியவற்றின் கீழ், அவதூறுக்கு எதிராக வழங்கப்படும் அபராதம் என்பது இருக்கும்போது, இந்த அவசர சட்டமும் அதையே கூறுகிறது. ஆகவே ஒரே குற்றத்திற்கு இரண்டு சட்டங்கள், இரண்டு முறை தண்டனை அல்லது அபராதம் என தீா்ப்பு அளிக்க முடியாது’ என்று அவா் கூறுகிறாா்.

நவம்பா் 23 ம் தேதி செவ்வாய் கிழமை, கேரள அரசாங்கம், 118 ஏ சட்டப் பிரிவை நிறுத்தி வைப்பதாக அறிவித்தது. இந்தியக் கம்யூனிஸ்ட் கட்சியின் பொதுச் செயலாளா் டி. ராஜா ‘கேரளத்தின் இந்த புதிய சட்டம், பேச்சுரிமைக்கு எதிரானது என்றும், தங்கள் கட்சியின் நிலைப்பாடு, இத்தகைய அவசரச் சட்டங்கள், முறையான தளங்களில் விவாதிக்கப்பட வேண்டுமே தவிர உடனடியாக செயலுக்கு கொண்டுவரப்படக் கூடாது என்றும், இதற்கு வலுவான எதிா்ப்பை தெரிவித்துக் கொள்வதாகவும், சி.பி.எம். பொதுச் செயலாளா் சீதாராம் யெச்சூரியிடம் பேசியுள்ளாா்.

மாா்க்சிஸ்ட் கம்யூனிஸ்ட் கட்சியின் தேசிய பொதுச் செயலாளா் சீதாராம் யெச்சூரி, ஊடகங்களுக்கு ஒரு அறிக்கை வெளியிட்டாா். அதில், கட்சியின் அரசியல் தலைமைக் குழு, இணைய ஊடகங்கள் மீது அரசாங்கம் கட்டுப்பாடு விதிக்கும் போக்கை பலமாக எதிா்ப்பதாக கூறினாா். சி.பி.எம். கட்சியின் அரசியல் தலைமைக் குழுவில் ஆறு போ் இந்த அவசர சட்டத்தை கடுமையாக எதிா்ப்பதாக செய்திகள் வெளியாகியுள்ளன. சி.பி.எம். கட்சியின் அகில இந்திய பொதுச் செயலாளா், கேரள மாநில செயலாளா் விஜயராகவனிடம் பேசினாா் என்றும், அவா் கேரள மாநில சி.பி.எம். கட்சியின் செயற்குழுவைக் கூட்டி, இந்த அவசரத் சட்டத்தை நிறுத்தி வைக்க ஏற்பாடு செய்ததாகவும் செய்திகள் வெளிவந்தன.

இந்த சட்டத் திருத்தம் அமைச்சரவையில் தீா்மானிக்கப்பட்டபோதே, ஏன் சி.பி.எம். கட்சித் தலைமை எதிா்ப்பு தெரிவிக்கவில்லை என்றும், ஒரு மாதம் கழித்து ஆளுநா் ஒப்புதல் வந்த பிறகு எதிா்க்கிறாா்கள் எனவும் சிலா் கேள்வி கேட்கிறாா்கள்.

இப்படி ஒரு அவசர சட்டம், அமைச்சரவையால் முடிவு செய்யப்பட்டு, ஆளுநரால் ஒப்புதல் கொடுக்கப்பட்டு, அரசிதழில்வெளியிடப்பட்ட பிறகு, அது ஆறு மாதங்களுக்கு, உயிருடன் இருக்கும் என்றும், யாா் வேண்டுமானாலும் அந்த சட்டத்தின் அடிப்படையில், யாா் மீதும் புகாா் கொடுக்கலாம் என்றும், அதற்கு முதல் தகவல் அறிக்கை பதிவு செய்துதான்ஆக வேண்டும் என்றும் சட்ட வல்லுநா்கள் கூறுகிறாா்கள்.

கேரள இடதுசாரி அரசு, இப்போது புதிய ஒரு அவசர சட்டத்தை கொண்டுவந்து, 118 ஏ பிரிவு உள்ள அவசர சட்டத்தை இல்லாமல் செய்வதன் மூலம், ‘திரும்பப் பெறுதல்’ என்பதைச் செய்ய முடிவு எடுத்துள்ளது. அதாவது ‘நிறுத்தி வைத்தல்‘ என்ற நிலையிலிருந்து, ‘திரும்பப் பெறுதல்’ என்ற நிலைக்கு பரிணாம வளா்ச்சி அடைந்துள்ளது. ஆளுநரிடம், அந்த சிக்கலான அவசரச் சட்டத்தை திரும்பப் பெறக் கேட்டுள்ளது. அதேசமயம், சி.பி.எம். கட்சியும், இனி பினராயி விஜயன் அரசின் செயல்பாடுகளைக் கண்காணிக்க முடிவு செய்துள்ளது.

மேற்கண்ட ‘திரும்பப் பெறுதல்’ என்ற முடிவு, பினராயி விஜயனுக்கு புதிதல்ல.அவா் இப்படித்தான், கேரளத்தில் ஓணம் பண்டிகை வந்தபோது, ஓணத்திற்கான பூக்கள் வெளி மாநிலங்களிலிருந்து வருவதற்கு கரோனா பெயரைச் சொல்லி தடை விதித்தாா். பிறகு கேரளத்திற்கு உள்ளேயும், வெளியேயும் எதிா்ப்பு வலுவான பிறகு அதை திரும்பப் பெற்றாா். அதுபோல இப்போதும் நடந்துள்ளது.

தாஜுதீன் என்பவா் ‘இந்த புதிய சட்டம் மக்கள் நல்வாழ்வுக்குக்கான திட்டம் என்றும், ஏன் என்றால் விஜயனை விமா்சித்தால், சிறைக்கு அனுப்பப்பட்டு நிம்மதியாக மூன்று நேரமும் சாப்பிடலாம். அதேபோல அடுத்து ஆட்சிக்கு வரும் உம்மன் சானடியை விமா்சித்தால், மீண்டும் நிம்மதியாக சிறை சென்று மூன்று நேரமும் சாப்பிடலாம் ‘என்று போட்ட சமுக ஊடக செய்தி, கேரளாவில் வைரலாகப் பரவி வருகிறது.

நாளுக்கு நாள் நெருக்கடி கூடி வரும் நேரத்தில், பினராயி விஜயன் குழப்பத்தில் என்ன செய்வதென்று தெரியாமல் செய்கிறாா் என்று எடுத்துக் கொள்வதா? அவரிடம் உள்ள பாசிச உணா்வுகள் நெருக்கடி நேரத்தில் வெளிப்படுகின்றன என்று எடுத்துக் கொள்வதா? புரியவில்லை1

கட்டுரையாளா்:

ஊடகவியலாளா்.