திரைப்பட தேசிய விருதுகள்: சாதித்த ஹிந்தி, கன்னடத் திரையுலகங்கள்! முழு விவரம்!

66-வது தேசியத் திரைப்பட விருதுகள் தில்லியில் நேற்று அறிவிக்கப்பட்டன. ஒவ்வொரு ஆண்டும் மத்திய செய்தி, ஒலிபரப்பு அமைச்சகத்தின் சார்பில் தேசிய திரைப்பட விருதுகள் அறிவிக்கப்பட்டு வருகின்றன. வழக்கமாக ஏப்ரல் மாதம் இதற்கான அறிவிப்பு வெளியாகும்.  மக்களவைத் தேர்தலையொட்டி, இந்த அறிவிப்புகள் வெளியிடப்படவில்லை. விருதுக்குத் தேர்வான திரைப்படங்கள்,  நடிகர்கள், இயக்குநர்கள் உள்ளிட்ட கலைஞர்கள் குறித்த அறிவிப்பை  விருது  நடுவர் குழுத் தலைவர் ராகுல் ரவய்ல் வெளியிட்டார்.

இந்நிலையில் இந்த வருடம் ஹிந்திப் படங்கள் அதிகபட்சமாக 14 தேசிய விருதுகளை அள்ளியுள்ளன. அதற்கு அடுத்த இடத்தில் கன்னட மொழிப் படங்கள், 10 விருதுகள். முக்கியமான திரையுலகங்களில் சுத்தமாக எந்த விருதுமே பெறாத திரையுலகம் என்று கோலிவுட்டைத்தான் சொல்லவேண்டும். சிறந்த தமிழ்ப் படத்தைத் தவிர வேறெந்த தேசிய விருதும் தமிழ்த் திரையுலகுக்குக் கிடைக்கவில்லை. 

தேசிய விருதுகள்: மொழிகள் வாரியாக...

ஹிந்தி 14
கன்னடம் - 10
தெலுங்கு - 7
மலையாளம் - 7
மராத்தி - 6
குஜராத்தி - 3
வங்காளம் - 3
பஞ்சாபி - 2
உருது - 2
தமிழ் - 1
அஸ்ஸாமியம் - 1
கொன்கனி - 1
கரோ -1
ஷெர்துக்பன் (Sherdukpan) - 1
பங்சென்பா (Pangchenpa) - 1
ராஜஸ்தானி - 1

தேசிய விருதுப் பட்டியல்

சிறந்த படம் - எல்லாரு (குஜராத்தி)
சிறந்த இயக்குநர் - ஆதித்யா தர் (உரி, ஹிந்தி)
சிறந்த நடிகை - கீர்த்தி சுரேஷ் (மகாநடி, தெலுங்கு)
சிறந்த நடிகர் - ஆயுஷ்மா குரானா (அந்தாதுன், ஹிந்தி), விக்கி கெளசல் (உரி, ஹிந்தி)
சிறந்த அறிமுக இயக்குநர் - சுதாகர் ரெட்டி (மராத்தி)
நர்கீஸ் தத் தேசிய ஒருமைப்பாடு விருது - ஒண்டல்லா இரடல்லா (கன்னடம்)
சிறந்த பொழுதுபோக்குப் படம் - பதாய் ஹோ (ஹிந்தி)
சமூக நலனுக்கான சிறந்த படம் - பேட்மேன் (ஹிந்தி)
சுற்றுச்சூழல் பாதுகாப்புக்கான சிறந்த படம் - பானி (மராத்தி)
சிறந்த துணை நடிகர் - ஸ்வானந்த் கிர்கிரே (சும்பக், மராத்தி)
சிறந்த துணை நடிகை - சுரேகா சிக்ரி (பதாய் ஹோ, ஹிந்தி)
சிறந்த குழந்தை நட்சத்திரம் - பிவி ரோஹித் (கன்னடம்), சமீப் சிங் (பஞ்சாபி), தல்ஹா அர்ஷத் ரேஷி (உருது), ஸ்ரீனிவாஸ் போக்லே (மராத்தி)
சிறந்த பாடகர் - அர்ஜித் சிங் (பத்மாவத், ஹிந்தி)
சிறந்த பாடகி - பிந்து மாலினி (நதிசரமி, கன்னடம்)
சிறந்த வசனம் - தரிக் (வங்காளம்)
சிறந்த திரைக்கதை (தழுவல்) - அந்தாதுன்
சிறந்த அசல் திரைக்கதை - சி அர்ஜூன் லா சோ (தெலுங்கு), அந்தாதுன் (ஹிந்தி), தரிக் (வங்காளம்)
சிறந்த ஒலி அமைப்பு - டெண்ட்லியா (மராத்தி), உரி (ஹிந்தி), ரங்கஸ்தலம் (தெலுங்கு)
சிறந்த படத்தொகுப்பு - நதிசரமி (கன்னடம்)
சிறந்த கலை இயக்கம் - கம்மர சம்பவம் (மலையாளம்)
சிறந்த ஒப்பனை - ஏவ் (தெலுங்கு)
சிறந்த இசையமைப்பாளர் - சஞ்சய் லீலா பன்சாலி (பத்மாவத், ஹிந்தி)

சிறந்த பின்னணி இசை - ஷஸ்வத் சச்தேவ் (உரி, ஹிந்தி)
சிறந்த பாடலாசிரியர் - மனசோர் (நதிசரமி, கன்னடம்)
சிறந்த ஸ்பெஷல் எஃபெக்ட்ஸ் - ஆவ் (தெலுங்கு), கேஜிஎஃப் (கன்னடம்)
சிறந்த நடனம் - க்ருதி மஹேஷ், ஜோதி டி தொம்மார் (பத்மாவதி, ஹிந்தி)
திரையுலகுக்கு ஏற்ற மாநிலம்  -  உத்தராகண்ட்
சிறப்பு விருதுகள்: ஹெல்லாரோ (குஜராத்தி), கெடாரா (வங்காளம்), ஸ்ருதி ஹரிஹரன் (கன்னடம்), சந்திரசூர் ராய் (ஹிந்தி), ஜோஜோ ஜார்ஜ் (மலையாளம்), சாவித்ரி (மலையாளம்)

சிறந்த ஆடை வடிவமைப்பு: மகாநடி (தெலுங்கு)

சிறந்த சண்டை இயக்கம் - கேஜிஎஃப் (கன்னடம்)

சிறந்த ஒளிப்பதிவாளர்: எம்.ஜே. ராதாகிருஷ்ணன் (மலையாளம்)

சிறந்த குழந்தைகள் படம் சர்காரி...((SARKARI HIRIYA PRATHAMIKA SHALE KASARGODU, கன்னடம்)

கன்னடம் - 10 தேசிய விருதுகள்

ஒன்றல்ல இரண்டல்ல, 10 தேசிய விருதுகள் என்கிற குஷியில் இருக்கிறார்கள் கன்னட சினிமா ரசிகர்கள். மனசோர் இயக்கிய நதிசரமி (Nathicharami) என்கிற கன்னடப் படம் 5 தேசிய விருதுகளை அள்ளியுள்ளது. 

சிறந்த கன்னடப் படம் - நதிசரமி 
சிறந்த பாடலாசிரியர் - மனசோர் (நதிசரமி) 
சிறந்த படத்தொகுப்பு - நாகேந்திரா கே. உஜ்ஜயினி (நதிசரமி) 
சிறந்த பாடகி - பிந்து மாலினி (நதிசரமி) 
நடுவர்களின் சிறப்பு விருது - ஸ்ருதி ஹரிஹரன் (நதிசரமி)

கடந்த வருடம் அனைவரையும் கவர்ந்த கன்னடப் படமான கேஜிஎஃப், 2 தேசிய விருதுகளைப் பெற்றுள்ளது. 

சிறந்த சண்டை அமைப்பு - கேஜிஎஃப்
சிறந்த ஸ்பெஷல் எஃபெக்ட்ஸ் - கேஜிஎஃப்

சிறந்த தேசிய ஒருமைப்பாடுக்கான நர்கீஸ் தத் விருது - ஒண்டல்லா இரடல்லா
சிறந்த குழந்தை நட்சத்திரம் - ரோஹித் பாண்டவபுரா (ஒண்டல்லா இரடல்லா)
சிறந்த குழந்தைகள் படம் - சர்காரி.. (SARKARI HIRIYA PRATHAMIKA SHALE KASARGODU)

தெலுங்கு - 7 தேசிய விருதுகள்

சிறந்த நடிகை - கீர்த்தி சுரேஷ்
சிறந்த தெலுங்குப் படம் - மகாநடி
சிறந்த ஸ்பெஷல் எஃபெக்ட்ஸ் - ஏவ் (AWE)
சிறந்த ஒப்பனைக் கலைஞர் - ரஞ்சித் (ஏவ்)
சிறந்த ஆடை வடிவமைப்பு - மகாநடி
சிறந்த ஒலி அமைப்பு - ரங்கஸ்தலம்
சிறந்த திரைக்கதை - ராகுல் ரவிந்திரன் (ஷி அர்ஜூன் ல சோ)

மலையாளம் - 7 தேசிய விருதுகள்

சிறந்த விமரிசகர்: பிளைஸ் ஜானி 
சிறந்த திரைப்படப் புத்தகம் - மெளன ப்ரதான்போலே (எஸ். ஜெயச்சந்திரன் நாயர்)
நடுவர்களின் சிறப்பு விருது: ஜோஜூ ஜார்ஜ் (ஜோஸப்)
நடுவர்களின் சிறப்பு விருது: சாவித்ரி (சுடானி ஃப்ரம் நைஜீரியா)
சிறந்த மலையாளப் படம் -  சுடானி ஃப்ரம் நைஜீரியா
சிறந்த கலை இயக்கம் - கம்மரா சம்பவம்
சிறந்த ஒளிப்பதிவாளர் - ஒலு

தமிழ் - 1 தேசிய விருது

சிறந்த தமிழ்ப் படம் - பாரம்.