விஜய் தொலைக்காட்சியில் ஒளிபரப்பாகி வரும் 'பாரதி கண்ணம்மா' தொடர் இறுதிக்கட்டத்தை எட்டியுள்ளது.
இன்னும் ஒருசில எபிஸோடுகளில் இந்த தொடர் முடிவுக்கு வரும் நிலையில், கடைசிக் காட்சிகளில் ஆர்.ஜே. பாலாஜி நடித்துள்ளார். இது தொடர்பான புகைப்படங்கள் இணையத்தில் பகிரப்பட்டு வருகின்றன.
விஜய் தொலைக்காட்சியில் கடந்த 2019 முதல் பாரதி கண்ணம்மா தொடர் ஒளிபரப்பாகி வருகிறது. விஜய் தொலைக்காட்சி தொடர்களில் டிஆர்பி பட்டியலில் இந்த தொடர் தொடர்ந்து முதலிடம் பிடித்துவந்தது.
எனினும் இந்த தொடரில் நாயகியாக நடித்திருந்த ரோஷினி ஹரிப்பிரியன் விலகியதைத் தொடர்ந்து, இந்த தொடர் டிஆர்பி பட்டியலில் சற்று சறுக்கல்களை சந்தித்தது.
எனினும் டிஆர்பி பட்டியலிலுள்ள முதல் 10 இடங்களில் பாரதி கண்ணம்மா தொடர் இடம்பிடித்திருந்தது. இந்த தொடர் தற்போது இறுதிக்கட்டத்தை எட்டியுள்ளது.
இறுதிக்காட்சிகளில் நடிகரும் இயக்குநருமான ஆர்.ஜே. பாலாஜி நடித்துள்ளார். மேலும் பிக்பாஸ் நிகழ்ச்சியில் மூன்றாவது இடம்பிடித்த ஷிவின் நடித்துள்ளதாகவும் கூறப்படுகிறது. இது தொடர்பான புகைப்படங்கள் இணையத்தில் பகிரப்பட்டு வருகிறது.