செய்திகள்

பார்த்திபன் இயக்கிய ஒத்த செருப்பு படத்துக்கு இரு தேசிய விருதுகள்!

22nd Mar 2021 04:54 PM

ADVERTISEMENT

 

பார்த்திபன் இயக்கிய ஒத்த செருப்பு படத்துக்கு இரு தேசிய விருதுகள் அறிவிக்கப்பட்டுள்ளன.

67-வது தேசிய திரைப்பட விருதுகள் இன்று அறிவிக்கப்பட்டுள்ளன. 2019-ம் ஆண்டில் வெளியான படங்களுக்கு இந்த விருதுகள் அறிவிக்கப்பட்டுள்ளன. ஒவ்வொரு வருடத்திலும் ஏப்ரல் மாதம் திரைப்பட தேசிய விருதுகள் குறித்த அறிவிப்பு வெளியாகும். ஆனால் கடந்த வருடம் கரோனா அச்சுறுத்தல் மற்றும் ஊரடங்கு காரணமாக தேசிய விருது அறிவிப்பு ஒத்திவைக்கப்பட்டது. 

இந்நிலையில் தனுஷ் நடிப்பில் வெற்றிமாறன் இயக்கிய அசுரன் படம்,  சிறந்த தமிழ்ப் படத்துக்கான தேசிய விருதைப் பெற்றுள்ளது. 

ADVERTISEMENT

அஜித் நடித்த விஸ்வாசம் படத்தின் பாடல்களுக்காக இசையமைப்பாளர் இமானுக்கு சிறந்த இசையமைப்பாளருக்கான தேசிய விருது கிடைத்துள்ளது. 

அசுரன் படத்தில் நடித்ததற்காக தனுஷுக்குச் சிறந்த நடிகருக்கான விருதும் சூப்பர் டீலக்ஸ் படத்தில் நடித்ததற்காக விஜய் சேதுபதிக்கு சிறந்த துணை நடிகருக்கான விருதும் அறிவிக்கப்பட்டுள்ளன.

பார்த்திபன் நடித்து இயக்கிய ஒத்த செருப்பு படத்துக்கு நடுவர்களின் சிறப்புப் பரிசு கிடைத்துள்ளது. இந்தப் படத்துக்காக ரசூல் பூக்குட்டிக்கு சிறந்த ஒலிப்பதிவுக்கான விருது அறிவிக்கப்பட்டுள்ளது.
 

ADVERTISEMENT

MORE FROM THE SECTION

ADVERTISEMENT