தமிழ்த் திரைப்பட இயக்குநர் சுசீந்திரனின் தாயார் ஜெயலட்சுமி இன்று காலமாகியுள்ளார். அவருக்கு வயது 62.

வெண்ணிலா கபடி குழு படத்தினால் தமிழ்த் திரையுலகில் இயக்குநராக அறிமுகமானார் சுசீந்திரன். நான் மகான் அல்ல, அழகர்சாமியின் குதிரை, ஜீவா, பாயும் புலி எனப் பல படங்களை இயக்கியுள்ளார். சிம்பு நடிப்பில் சுசீந்திரன் இயக்கிய ஈஸ்வரன் படம் நேற்று வெளியானது.

இந்நிலையில் ஒட்டன்சத்திரத்தில் சுசீந்திரனின் தாயார் ஜெயலட்சுமி, மாரடைப்பால் இன்று காலை மரணமடைந்துள்ளார். இன்று மாலை ஜெயலட்சுமியின் உடலுக்கு இறுதிச்சடங்குகள் நடைபெறவுள்ளன.