செய்திகள்

பிக் பாஸ்: சூட்கேஸ் பணத்தைப் பெற்றுக்கொண்டு வெளியேறும் போட்டியாளர் யார்?

DIN


பிக் பாஸ் நிகழ்ச்சியின் கடைசி வாரத்தில் சூட்கேஸில் உள்ள பெரும்தொகையை எடுத்துக்கொண்டு வெளியேறும் போட்டியாளர் யார் என்கிற எதிர்பார்ப்பு ரசிகர்களிடையே ஏற்பட்டுள்ளது. 

விஜய் தொலைக்காட்சியில் கடந்த மூன்று ஆண்டுகளாக ஒளிபரப்பாகி வந்த பிக் பாஸ் நிகழ்ச்சி, இந்த வருடம் கரோனா அச்சுறுத்தல் காரணமாக தாமதமாகத் தொடங்கியுள்ளது. கடந்த மூன்று ஆண்டுகளாக நிகழ்ச்சியைத் தொகுத்து வழங்கிய கமல்ஹாசன், இந்த முறையும் தொகுத்து வழங்கி வருகிறார்.

ரம்யா பாண்டியன், ஆஜித், ஆரி, அனிதா சம்பத், வேல் முருகன், சுரேஷ் சக்கரவர்த்தி, சோம், ஷிவானி, சனம் ஷெட்டி, பாலா, கேப்ரியலா, ஜித்தன் ரமேஷ், அறந்தாங்கி நிஷா, ரேகா, ரியோ, சம்யுக்தா என 16 பேர் பிக் பாஸ் இல்லத்துக்குள் முதலில் நுழைந்தார்கள். பிரபல தொகுப்பாளர் அர்ச்சனா மற்றும் பிரபல பாடகி மற்றும் ரேடியோ ஜாக்கியுமான சுசித்ரா ஆகியோர் வைல்ட் கார்ட் வழியாகப் புதிய போட்டியாளர்களாக நுழைந்தார்கள். 

இந்த வாரத்துடன் பிக் பாஸ் நிகழ்ச்சி முடிவடையவுள்ளது. ஆரி, பாலா, ரம்யா பாண்டியன், சோம், கேப்ரியலா, ரியோ என ஆறு பேர் கடைசி வாரப் போட்டியாளர்களாக உள்ளார்கள். 

பிக் பாஸ் நிகழ்ச்சியின் கடைசி வாரத்தில் பாதியில் ஒருவர் வெளியேறுகிற நிலைமை ஏற்படும். சூட்கேஸில் ரூ. 5 லட்சம் பிக் பாஸ் இல்லத்துக்குள் அனுப்பப்படும். தன்னால் வெற்றியாளர் ஆக முடியாது என்று எண்ணுகிற போட்டியாளர், சூட்கேஸில் உள்ள ரூ. 5 லட்சம் பணத்தை எடுத்துக்கொண்டு வெளியேறலாம். 

இந்தமுறை கேப்ரியலா, ரூ. 5 லட்சத்தை எடுத்துக்கொண்டு வெளியேறியுள்ளதாகத் தகவல்கள் வெளியாகியுள்ளன. மற்றொரு தகவலில் ரம்யா பாண்டியன் வெளியேற முடிவெடுத்துள்ளதாகவும் தெரிகிறது. நடிகர் ஆரிக்கு மக்களிடையே அதிக ஆதரவு உள்ளதாக இல்லத்துக்குள் மீண்டும் நுழைந்துள்ள போட்டியாளர்கள் கூறியுள்ளார்கள். இதனால் முயற்சியைக் கைவிட்டு, சூட்கேஸ் பணத்துடன் வெளியேற முடிவெடுத்ததாகக் கூறப்படுகிறது.

ஆனால், விஜய் தொலைக்காட்சி இன்று ஒளிபரப்பிய விளம்பரத்தில் சூட்கேஸின் பக்கத்தில் நடிகர் ஆரி நின்றுகொண்டிருக்கிறார். இதனால் எந்தப் போட்டியாளர் பிக் பாஸ் போட்டியிலிருந்து வெளியேறுவார் என்கிற எதிர்பார்ப்பு ரசிகர்களுக்கு ஏற்பட்டுள்ளது.

கடந்த முறை நண்பர்களின் முன்னேற்றத்துக்காக வெளியேறுவதாகக் கூறி, நடிகர் கவின், சூட்கேஸ் பணத்தைப் பெற்றுக்கொண்டார். 

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

பெங்களூரு குண்டுவெடிப்பு: முக்கிய குற்றவாளி கைது!

பும்ராவை சரியாக பயன்படுத்தவில்லை; ஸ்டீவ் ஸ்மித் கருத்து!

மும்பை விழாவில் அழகு பதுமைகள் அணிவகுப்பு - புகைப்படங்கள்

‘மற்றவர்களுக்கு தொல்லை தருவது காங்கிரஸின் கலாச்சாரம்’: மோடி காட்டம்!

தில்லி பந்துவீச்சு; 100-வது போட்டியில் ரிஷப் பந்த்!

SCROLL FOR NEXT