ஜுனியர் என்.டி.ஆர், ராம் சரண் ஆகியோர் நடித்துள்ள ஆர்ஆர்ஆர் திரைப்படத்தின் டிரைலர் டிசம்பர் 9ஆம் தேதி வெளியாவதாக அறிவிக்கப்பட்டுள்ளது.
ராஜமௌலி இயக்கத்தில் பிரம்மாண்டமாக உருவாகியுள்ள 'ஆர்ஆர்ஆர்' (ரத்தம்,ரணம்,ரௌத்திரம்) படம் அடுத்த ஆண்டு ஜனவரி 7 ஆம் தேதி திரைக்குவரவிருக்கிறது. இந்தப் படத்தில் இருந்து உயிரே என்ற பாடல் சமீபத்தில் வெளியாகி நல்ல வரேற்பைப் பெற்று வருகிறது.
இந்தப் படத்தின் முன்னோட்டம் வருகிற டிசம்பர் 3 ஆம் தேதி வெளியாகும் என்று அறிவிக்கப்பட்டிருந்தது. இருப்பினும் சில காரணங்களால் முன்னோட்டம் வெளியாகவில்லை. இதனால் ரசிகர்கள் ஏமாற்றமடைந்தனர்.
இந்நிலையில் ஆர்ஆர்ஆர் திரைப்படத்தின் டிரைலர் டிசம்பர் 9ஆம் தேதி வெளியாகும் என படக்குழு அறிவித்துள்ளது.
இதையும் படிக்க | சென்னை விமான நிலையத்தில் ரூ.25.88 லட்சம் மதிப்பிலான தங்கம் பறிமுதல்
இந்தப் படத்தில் ஜுனியர் என்.டி.ஆர், ராம் சரண் ஆகியோர் முதன்மை வேடத்தில் நடித்துள்ளனர். தமிழில் இந்தப் படத்தை லைக்கா புரொடக்சன் நிறுவனம் வெளியிடவுள்ளது. தமிழில் இந்தப் படத்துக்கு மதன் கார்கி வசனம் எழுதியுள்ளார். இந்தப் படம் 'பாகுபலி' போல பெரும் வெற்றிபெறும் என்பது ரசிகர்களின் எதிர்பார்ப்பாக உள்ளது.