ஒவ்வொரு வருட மே மாதத்தில், முதல் திங்களன்று மெட் காலா என்றொரு ஃபேஷன் நிகழ்ச்சி நடைபெறும். நியூயார்க்கின் மெட்ரோபாலிடன் மியூஸியம் ஆஃப் ஆர்ட் அமைப்புக்கு நிதியுதவி கோருவதற்காக இந்த நிகழ்ச்சி ஒவ்வொரு வருடமும் நடத்தப்படுகிறது. இந்த விழாவில் பிரபல நடிகர்கள், இளம் கலைஞர்கள், ஃபேஷன் துறை நிபுணர்கள் எனப் பலத் தரப்பினரும் கலந்துகொள்வார்கள்.
இந்த விழாவில் பிரபல நடிகை பிரியங்கா சோப்ராவும் அவருடைய கணவர் நிக் ஜோனாஸும் கலந்துகொண்டார்கள். இதில் பிரியங்கா சோப்ராவின் உடையும் அவருடைய ஒப்பனையும் அவரை எளிதில் அடையாளம் காணமுடியாத அளவில் இருந்தது.
Camp: Notes on Fashion - இந்த வருட மெட் காலாவின் தீமாக அறிவிக்கப்பட்டது. 2017-ம் ஆண்டு இதுபோன்ற ஒரு மெட் காலா நிகழ்ச்சியில் பிரியங்கா சோப்ராவும் நிக் ஜோனாஸும் கலந்துகொண்டார்கள். இப்போது காதல் தம்பதியராக மீண்டும் இந்த நிகழ்ச்சியில் கலந்துகொண்டுள்ளார்கள். இந்த நிகழ்ச்சியில் தீபிகா படுகோனும் கலந்துகொண்டுள்ளார்.