செவ்வாய்க்கிழமை 16 ஜூலை 2019

எனது குடியுரிமை விவகாரத்தைச் சர்ச்சையாக்குவதா?: நடிகர் அக்‌ஷய் குமார் வருத்தம்!

By எழில்| DIN | Published: 03rd May 2019 05:51 PM

 

மக்களவைத் தேர்தலில் நடிகர் அக்‌ஷய் குமார் வாக்களிக்காததால் அவருடைய நாட்டுப்பற்று குறித்துப் பலரும் கேள்வியெழுப்பினார்கள். வாக்குரிமை குறித்து அவர் விழிப்புணர்வு பிரசாரத்தில் ஈடுபட்டதால் அதை வைத்தும் சமூகவலைத்தளங்களில் பலரும் கிண்டல் செய்தார்கள். மேலும் அவருடைய குடியுரிமை குறித்தும் கேள்வியெழுப்பப்பட்டுள்ளது.

இந்நிலையில் இதற்குப் பதில் அளித்து ட்விட்டரில் அக்‌ஷய் குமார் கூறியதாவது:

என்னுடைய குடியுரிமை குறித்து எதிர்மறை உணர்வுகள் உருவாகியுள்ளது எனக்குப் புரியவில்லை. நான் கனடா நாட்டின் பாஸ்போர்ட் வைத்திருப்பதை ஒருபோதும் மறைத்ததில்லை. நான் கடந்த 7 வருடங்களாக கனடா சென்றதில்லை என்பதும் உண்மையே. நான் இந்தியாவில் பணிபுரிகிறேன். என் எல்லா வரிகளையும் இங்குதான் செலுத்துகிறேன். இந்தியா மீதான எனது பற்றை மற்றவர்களுக்கு நிரூபித்துக்காட்ட வேண்டும் என்று இத்தனை வருடங்களாக நான் எண்ணியதில்லை. என்னுடைய குடியுரிமை பிரச்னை தேவையில்லாமல் சர்ச்சையாக்கப்படுகிறது. இது எனக்கு வருத்தத்தை அளிக்கிறது. அந்த விவகாரம் தனிப்பட்ட முறையிலானது, சட்டரீதியானது, அரசியல் அற்றது, அடுத்தவருக்கு எந்த விளைவையும் ஏற்படுத்தாத ஒன்று. இந்தியா வலிமையான நாடாக வளர என்னாலான பங்களிப்பைத் தொடர்ந்து செய்வேன் என்று கூறியுள்ளார்.

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் - பதிவு இலவசம்!
Tags : Akshay Kumar

More from the section

ராட்சசிக்கு அடுத்து ஜோதிகா நடிக்கும் படத்தின் ஃபர்ஸ்ட் லுக்!
அபிராமி & முகன்: பிக் பாஸ் நிகழ்ச்சியின் புதிய காதல் ஜோடியா?
ஆகஸ்ட் 8-ல் வெளியாகவுள்ள அஜித் நடித்த நேர்கொண்ட பார்வை!
'தலைவன் இருக்கிறான்' 19 ஆண்டுகளுக்குப் பின் இணையும் கமல், ஏ.ஆர்.ரஹ்மான்!
திரை கொண்டாட்டம்: புது அனுபவம் - அமலாபால்