இந்தியாவின் மிகப் பெரிய எரிவாயு விநியோக நிறுவனமான கெயில் (இந்தியா) லிமிடெட்டின் நிகர லாபம் கடந்த மாா்ச் காலாண்டில் 77.5 சதவீத சரிவைச் சந்தித்துள்ளது.

இது குறித்து நிறுவனம் வெளியிட்டுள்ள அறிக்கையில் தெரிவிக்கப்பட்டுள்ளதாவது: கடந்த ஜனவரி முதல் மாா்ச் வரையிலான 2022-23-ஆம் நிதியாண்டின் 4-ஆவது காலாண்டில் நிறுவனத்தின் நிகர லாபம் ரூ. 603.52 கோடியாக இருந்தது.

முந்தைய 2021-22-ஆம் நிதியாண்டின் இதே காலாண்டோடு ஒப்பிடுகையில் இது 77.5 சதவீதம் சரிவாகும். அப்போது நிறுவனத்தின் நிகர லாபம் ரூ.2,683.11 கோடியாக இருந்தது.

எரிவாயு விலை அதிகரித்து, உக்ரைன் போரால் ஏற்பட்ட அழுத்தங்கள் போன்ற காரணங்களால் இந்த நிகர லாப சரிவு ஏற்பட்டுள்ளது என்று அந்த அறிக்கையில் குறிப்பிடப்பட்டுள்ளது.