கடந்த மே மாதத்தில் ஹோண்டா காா்ஸ் இந்தியா நிறுவனத்தின் உள்நாட்டு மொத்த விற்பனை 43 சதவீதம் சரிவைக் கண்டுள்ளது.

இது குறித்து நிறுவனம் வெளியிட்டுள்ள அறிக்கையில் தெரிவிக்கப்பட்டுள்ளதாவது: கடந்த மே மாதத்தில் நிறுவனத்தின் உள்நாட்டு மொத்த விற்பனை 4,660-ஆக இருந்தது. 2022-ஆம் ஆண்டின் இதே மாதத்தோடு ஒப்பிடுகையில் இது 43 சதவீதம் குறைவாகும். அப்போது நிறுவனத்தின் உள்நாட்டு மொத்த விற்பனை 8,188-ஆக இருந்தது.

2022 மே மாதத்தில் 1,997-ஆக இருந்த நிறுவனத்தின் ஏற்றுமதி இந்த ஆண்டின் அதே மாதத்தில் 71 சதவீதம் சரிந்து 587-ஆக உள்ளது என்று அந்த அறிக்கையில் குறிப்பிடப்பட்டுள்ளது.