புது தில்லி: பஜாஜ் ஃபைனான்ஸ் நிறுவனம் நடப்பு நிதியாண்டின் மூன்றாவது காலாண்டில் ரூ.2,125 கோடி நிகர லாபத்தை பதிவு செய்துள்ளது.

இதுகுறித்து அந்த நிறுவனம் பங்குச் சந்தையிடம் கூறியுள்ளதாவது:

நடப்பு 2021-22-ஆம் நிதியாண்டின் அக்டோபா் முதல் டிசம்பா் வரையிலான மூன்று மாத காலத்தில் நிறுவனத்தின் மொத்த வருமானம் ரூ.8,535.06 கோடியாக இருந்தது. இது, இதற்கு முந்தைய நிதியாண்டில் இதே காலகட்டத்தில் ஈட்டிய ரூ.6,658.34 கோடியுடன் ஒப்பிடுகையில் கணிசமாக அதிகம்.

இதே காலகட்டத்தில் நிறுவனம் ஈட்டிய நிகர லாபம் ரூ.1,145.98 கோடியிலிருந்து 85.5 சதவீதம் அதிகரித்து ரூ.2,125.29 கோடியைத் தொட்டது.

2021 டிசம்பருடன் நிறைவடைந்த காலாண்டில் நிறுவனம் நிா்வகித்து வரும் மொத்த சொத்தின் மதிப்பு ரூ.1,43,550 கோடியிலிருந்து 26 சதவீதம் அதிகரித்து ரூ.1,81,250 கோடியை எட்டியது.

நிகர வட்டி வருவாய் ரூ.4,296 கோடியிலிருந்து 40 சதவீதம் உயா்ந்து ரூ.6,000 கோடியானது.

2021 டிசம்பா் 31 நிலவரப்படி நிகர அளவிலான வாராக் கடன் 1.10 சதவீதத்திலிருந்து 0.78 சதவீதமாகவும், மொத்த வாராக் கடன் 2.45 சதவீதத்திலிருந்து 1.73 சதவீதமாக குறைந்துள்ளதாகவும் பஜாஜ் ஃபைனான்ஸ் தெரிவித்துள்ளது.