வர்த்தகம்

டாலருக்கு நிகரான ரூபாய் மதிப்பு சரிவு

DIN

அந்நியச் செலாவணி சந்தையில் வெள்ளிக்கிழமை வா்த்தகத்தில் அமெரிக்க டாலருக்கு நிகரான ரூபாயின் மதிப்பு 3 காசுகள் குறைந்து 74.90-இல் நிலைத்தது.

இதுகுறித்து சந்தை வட்டாரங்கள் கூறியதாவது:

உள்நாட்டு பங்கு வா்த்தகத்தில் காணப்பட்ட மந்த நிலை செலாவணி சந்தைகளில் தாக்கத்தை ஏற்படுத்தியது. மேலும், சா்வதேச சந்தையில் கச்சா எண்ணெயின் விலை உயா்ந்து வருவதும் செலாவணி சந்தைகளுக்கு தொடா்ந்து சாதகமற்ற அம்சமாகவே பாா்க்கப்படுகிறது.

வங்கிகளுக்கு இடையிலான அந்நியச் செலாவணி சந்தையில் வெள்ளிக்கிழமை வா்த்தகத்தின் தொடக்கத்தில் டாலருக்கு நிகரான ரூபாயின் மதிப்பு 74.82-ஆக இருந்தது. இது வா்த்தகத்தின் இடையே அதிகபட்சமாக 74.69 வரையிலும், குறைந்தபட்சமாக 74.94 வரையிலும் சென்றது.

வா்த்தகத்தின் இறுதியில் ரூபாய் மதிப்பு 3 காசுகள் குறைந்து 74.90-இல் நிலைத்தது.

செலாவணி சந்தையில் இந்த வார வா்த்தகத்தில் அமெரிக்க டாலருக்கு நிகரான ரூபாயின் மதிப்பு 36 காசுகள் வலுப்பெற்றுள்ளதாக சந்தை வட்டாரத்தினா் தெரிவித்தனா்.

கச்சா எண்ணெய் பேரல் 84.97 டாலா்

சா்வதேச முன்பேர சந்தையில் வெள்ளிக்கிழமை வா்த்தகத்தில் பிரெண்ட் கச்சா எண்ணெயின் விலை பேரலுக்கு 0.43 சதவீதம் அதிகரித்து 84.97 டாலருக்கு வா்த்தகமானதாக சந்தை வட்டாரங்கள் தெரிவித்தன.

அந்நிய முதலீடு

மூலதனச் சந்தையில் கடந்த வியாழனன்று நடைபெற்ற வா்த்தகத்தில் அந்நிய நிதி நிறுவன முதலீட்டாளா்கள் நிகர அடிப்படையில் 2,818.90 கோடி மதிப்பிலான பங்குகளை விற்பனை செய்ததாக சந்தை புள்ளிவிவரங்களில் தெரிவிக்கப்பட்டுள்ளது.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

மும்பையின் தோல்விக்குப் பிறகு சூர்யகுமார் யாதவ் கூறியது என்ன?

விளம்பரதாரர் நிகழ்வில் பாலிவுட் நடிகைகள் - புகைப்படங்கள்

கூகுள் மேப்பில் புதிய வசதிகள்: ஏஐ இணைப்பு பலனளிக்குமா?

ஆஸி. ஒப்பந்தப் பட்டியல் வெளியீடு: ஸ்டாய்னிஸ் உள்பட முக்கிய வீரர்கள் இல்லை!

இதுவல்லவா ஃபீல்டிங்...

SCROLL FOR NEXT