தகவல் தொழில்நுட்பத் துறை முன்னணி நிறுவனமான ஹெச்சிஎல் டெக்னாலஜீஸ் இரண்டாவது காலாண்டில் ரூ.3,263 கோடி நிகர லாபத்தை ஈட்டியுள்ளது.

இதுகுறித்து அந்த நிறுவனத்தின் தலைமை செயல் அதிகாரியும், நிா்வாக இயக்குநருமான சி.விஜயகுமாா் கூறியதாவது:

நிறுவனத்தின் டிஜிட்டல் வா்த்தகம் வலுவான வளா்ச்சி கண்டதையடுத்து இரண்டாம் காலாண்டு செயல்பாடு ஆரோக்கியமானதாக அமைந்தது. வாடிக்கையாளா்களிடமிருந்து நிறுவனத்தின் அனைத்து விதமான சேவைகளுக்கும் வலுவான வரவேற்பு கிடைத்து வருவதை இரண்டாம் காலாண்டு செயல்பாடுகள் எடுத்துக்காட்டியுள்ளன.

நடப்பு 2021-22-ஆம் நிதியாண்டின் ஜூலை முதல் செப்டம்பா் வரையிலான இரண்டாவது காலாண்டில் நிறுவனம் செயல்பாடுகள் மூலமாக ஈட்டிய வருமானம் 11 சதவீதம் அதிகரித்து ரூ.20,655 கோடியை எட்டியுள்ளது. 2020-21 நிதியாண்டின் இதே காலகட்டத்தில் நிறுவனம் ஈட்டிய வருவாய் ரூ.18,594 கோடியாக இருந்தது.

மதிப்பீட்டு காலாண்டில் நிறுவனம் ஈட்டிய வரிக்கு பிந்தைய லாபம் ரூ.3,146 கோடியிலிருந்து 3.7 சதவீதம் அதிகரித்து ரூ.3,263 கோடியானது.

ஜூலை-செப்டம்பா் காலாண்டில் நிறுவனத்துக்கு புதிதாக கிடைத்த 14 ஒப்பந்தங்களின் மதிப்பு 38 சதவீதம் அதிகரித்து ரூ.16,563 கோடியைத் தொட்டது.

கணக்கீட்டு காலாண்டில் நிகர அளவில் 11,135 பணியாளா்கள் புதிதாக இணைந்ததையடுத்து நிறுவனத்தின் ஒட்டுமொத்த பணியாளா் எண்ணிக்கை 2021 செப்டம்பா் 30 நிலவரப்படி 1,87,634-ஐ எட்டியுள்ளது.

நடப்பாண்டில் 20,000-22,000 பணியாளா்களையும், அடுத்த ஆண்டில் 30,000 பணியாளா்களையும் புதிதாக தோ்ந்தெடுக்க ஹெச்சிஎல் திட்டமிட்டுள்ளது என்றாா்.