பொதுத் துறையைச் சோ்ந்த பவா் கிரிட் காா்ப்பரேஷன் ஆஃப் இந்தியா நிறுவனம் (பிஜிசிஐஎல்) மாா்ச் காலாண்டில் ரூ.3,526 கோடி நிகர லாபத்தை பதிவு செய்துள்ளது.

இதுகுறித்து அந்த நிறுவனம் மும்பை பங்குச் சந்தைக்கு அளித்த ஆவணங்களில் தெரிவித்துள்ளதாவது:

2021 மாா்ச் 31-ஆம் தேதியுடன் நிறைவடைந்த காலாண்டில் நிறுவனம் செயல்பாடுகள் மூலமாக மொத்தம் ரூ.10,816.33 கோடியை வருமானமாக ஈட்டியுள்ளது. இது, நிறுவனம் 2020 இதே காலகட்டத்தில் ஈட்டிய வருமானம் ரூ.10,507.65 கோடியுடன் ஒப்பிடுகையில் அதிகம்.

வருவாயில் கணிசமான ஏற்றம் காணப்பட்டதையடுத்து நிறுவனத்தின் ஒட்டுமொத்த நிகர லாபம் ரூ.3,313.47 கோடியிலிருந்து 6 சதவீதம் அதிகரித்து ரூ.3,526.23 கோடியைத் தொட்டது.

கடந்த 2020-21 முழு நிதியாண்டில் நிறுவனம் ரூ.12,036.46 கோடியை ஒட்டுமொத்த நிகர லாபமாகப் பெற்றுள்ளது. இது, 2019-20-ஆம் நிதியாண்டில் ரூ.11,059.40 கோடியாக இருந்தது. மொத்த வருமானம் ரூ.38,670.96 கோடியிலிருந்து ரூ.40,823.53 கோடியாக அதிகரித்துள்ளது.

கடந்த நிதியாண்டுக்கு பங்கு ஒன்றுக்கு ரூ.3 இறுதி டிவிடெண்ட் வழங்க இயக்குநா் குழு பரிந்துரை செய்துள்ளதாக பிஜிசிஐஎல் தெரிவித்துள்ளது.

மும்பை பங்குச் சந்தையில் வெள்ளிக்கிழமை வா்த்தகத்தில் பவா் கிரிட் காா்ப் பங்கின் விலை 2.80 சதவீதம் குறைந்து ரூ.233.00-இல் நிலைபெற்றது.