எல்ஐசி-க்கு சொந்தமான ஐடிபிஐ வங்கி நடப்பு நிதியாண்டின் முதல் காலாண்டில் ஈட்டிய லாபம் ரூ.603 கோடியாக இருந்தது. இது, இவ்வங்கி கடந்த நிதியாண்டின் இதே காலகட்டத்தில் ஈட்டிய தனிப்பட்ட லாபம் ரூ.144 கோடியுடன் ஒப்பிடுகையில் 4 மடங்கு அதிகமாகும்.
நிகர வட்டி வருமானம் ரூ.1,772 கோடியிலிருந்து 41 சதவீதம் அதிகரித்து ரூ.2,506 கோடியை எட்டியுள்ளது. மொத்த வாராக் கடன் 26.81 சதவீதத்திலிருந்து 22.71 சதவீதமாக குறைந்துள்ளது. அதேபோன்று, நிகர அளவிலான வாராக் கடனும் 3.55 சதவீதத்திலிருந்து 1.67 சதவீதமாக குறைந்துள்ளது.
நடப்பு நிதியாண்டில் மொத்த வாராக் கடன் விகிதத்தை 15 சதவீதத்துக்கும் கீழாக கொண்டு வருவதே ஐடிபிஐ வங்கியின் இலக்கு என அவ்வங்கியின் நிா்வாக இயக்குநரும், தலைமைச் செயல் அதிகாரியுமான ராகேஷ் சா்மா தெரிவித்துள்ளாா்.