மருந்து தயாரிப்பில் ஈடுபட்டு வரும் டாக்டா் ரெட்டீஸ் நிறுவனம் முதல் காலாண்டில் ஈட்டிய லாபம் 36 சதவீதம் சரிவடைந்து ரூ.380.4 கோடியாக இருந்தது. இது, கடந்த 2020-21-ஆம் நிதியாண்டின் ஏப்ரல்-ஜூன் காலாண்டில் ரூ.594.6 கோடியாக காணப்பட்டது.

மதிப்பீட்டு காலாண்டில் இந்நிறுவனத்தின் மொத்த வருவாய் ரூ.4,513.6 கோடியிலிருந்து 12 சதவீதம் அதிகரித்து ரூ.5,053 கோடியானது. மொத்த செலவினம் ரூ.3,620.8 கோடியிலிருந்து 24.7 சதவீதம் உயா்ந்து ரூ.4,513.8 கோடியானது என டாக்டா் ரெட்டீஸ் நிறுவனம் பங்குச் சந்தையிடம் செவ்வாய்க்கிழமை தெரிவித்தது.