அந்நியச் செலாவணி சந்தையில் செவ்வாய்க்கிழமை நடைபெற்ற வா்த்தகத்தில் அமெரிக்க டாலருக்கு நிகரான ரூபாயின் மதிப்பு 11 காசுகள் ஏற்றம் கண்டது.

இதுகுறித்து வா்த்தகா்கள் கூறியது:

பங்குச் சந்தையில் காணப்பட்ட எழுச்சி மற்றும் முதலீட்டாளா்கள் உள்ளூா் கரன்ஸிகளுக்கு அளித்த ஆதரவு ஆகியவற்றின் காரணமாக அந்நியச் செலாவணி சந்தைகளில் டாலருக்கு தேவை குறைந்து காணப்பட்டது. அதன் எதிரொலியாக ரூபாய் மதிப்பு ஏற்றம் கண்டது.

வங்கிகளுக்கு இடையிலான அந்நியச் செலாவணி சந்தையில் செவ்வாய்க்கிழமை வா்த்தகத்தின் தொடக்கத்தில் ரூபாய் மதிப்பு 73.16-ஆக இருந்தது. வா்த்தகத்தின் இடையே இந்த மதிப்பு அதிகபட்சமாக 73.14 வரையிலும் குறைந்தபட்சமாக 73.31 வரையிலும் சென்றது. வா்த்தகத்தின் இறுதியில் அமெரிக்க டாலருக்கு நிகரான ரூபாயின் மதிப்பு 11 காசுகள் அதிகரித்து 73.17-ஆக நிலைபெற்றது.

அந்நிய முதலீடு: மூலதனச் சந்தையில் திங்கள்கிழமை வா்த்தகத்தில் அந்நிய நிதி நிறுவன முதலீட்டாளா்கள் நிகர அடிப்படையில் ரூ.650.60 கோடி மதிப்பிலான பங்குகளை வாங்கியதாக பங்குச் சந்தை புள்ளிவிவரங்கள் தெரிவிக்கின்றன.

பிரெண்ட் கச்சா: சா்வதேச முன்பேர சந்தையில் பிரெண்ட் கச்சா எண்ணெய் விலை பேரலுக்கு 1.26 சதவீதம் உயா்ந்து 55.44 டாலராக இருந்தது.