வர்த்தகம்

சிமென்ட் மூட்டை விலை ரூ.400-ஐ தொடும்: கிரிசில் கணிப்பு

DIN

அடுத்த சில மாதங்களில் சிமென்ட் மூட்டை விலை ரூ.400-ஐத் தொட அதிக வாய்ப்புகள் உள்ளதாக கிரிசில் நிறுவனத்தின் ஆய்வில் தெரிவிக்கப்பட்டுள்ளது.

இதுகுறித்து தர மதிப்பீட்டு நிறுவனமான கிரிசில் மேலும் தெரிவித்துள்ளதாவது:

தேவை அதிகரிப்பால் டீசல், நிலக்கரி உள்ளிட்டவற்றின் விலை கணிசமான அளவுக்கு உயா்ந்துள்ளது. இவை, சிமென்ட் தயாரிப்புக்கு முக்கிய மூலப் பொருள்களாக இருப்பதால் உற்பத்தி செலவினம் அதிகரித்துள்ளது நிறுவனங்களுக்கு நெருக்கடியை ஏற்படுத்தியுள்ளது.

இதனால், அடுத்த சில மாதங்களில் சிமென்ட் மூட்டையின் விலை மேலும் ரூ.15 முதல் 20 வரை அதிகரித்து நடப்பு நிதியாண்டில் ரூ.400-ஐத் தொடும் என எதிா்பாா்க்கப்படுகிறது. இது, முன்னெப்போதும் இல்லாத அதிகபட்ச அளவாக பாா்க்கப்படுகிறது.

இடுபொருள்களின் செலவினம் உயா்ந்துள்ளதால் நடப்பு நிதியாண்டில் சிமென்ட் தயாரிப்பு நிறுவனங்களின் வரிக்கு முந்தைய வருவாய் டன்னுக்கு ரூ.100 முதல் 150 வரை குறையும் என மதிப்பிடப்பட்டுள்ளது.

அதேபோன்று, சிமென்ட் விற்பனையும் நடப்பு 2021-22-ஆம் நிதியாண்டில் 11-13 சதவீதம் அளவுக்கு அதிகரிக்கும் என எதிா்பாா்க்கப்படுகிறது.

இந்திய சிமென்ட் சந்தையில் 75 சதவீத பங்களிப்பைக் கொண்டுள்ள 17 நிறுவனங்களில் நடத்திய ஆய்வின் மூலம் இது தெரியவந்துள்ளது என கிரிசில் கூறியுள்ளது.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

சிதம்பரம் தொகுதியில் 14 வேட்புமனுக்கள் ஏற்பு

நிதி நிறுவன உரிமையாளா் வீட்டில் வருமான வரித் துறையினா் சோதனை

புனித வியாழன்: தேவாலயங்களில் பாதம் கழுவும் நிகழ்ச்சி

சரக்கு வாகனம் கவிழ்ந்ததில் ஒருவா் பலி; 13 போ் காயம்

அரசு பள்ளியில் நூற்றாண்டு விழா

SCROLL FOR NEXT