தகவல் தொழில்நுட்பத் துறையைச் சோ்ந்த டெக் மஹிந்திரா நிறுவனத்தின் இரண்டாம் காலாண்டு லாபம் ரூ.1,064.6 கோடியாக சரிவைச் சந்தித்துள்ளது.

இதுகுறித்து அந்த நிறுவனம் வெள்ளிக்கிழமை வெளியிட்ட அறிக்கையில் தெரிவித்துள்ளதாவது:

நடப்பு நிதியாண்டின் செப்டம்பா் மாதத்துடன் முடிவடைந்த இரண்டாவது காலாண்டில் நிறுவனம் ஈட்டிய வருவாய் ரூ.9,489.3 கோடியாக இருந்தது. இது, கடந்த 2019-20 நிதியாண்டின் இதே காலகட்டத்தில் நிறுவனம் ஈட்டிய ரூ.9,286.2 கோடி வருவாயுடன் ஒப்பிடுகையில் 2.1 சதவீதம் அதிகமாகும்.

வருவாய் அதிகரித்த நிலையிலும், நிறுவனத்தின் ஒட்டுமொத்த நிகர லாபம் ரூ.1,123.9 கோடியிலிருந்து 5 சதவீதம் சரிவடைந்து ரூ.1,064.6 கோடியானது.

டென்ஸிங், மொமன்டன் ஆகிய இரு நிறுவனங்களை கையகப்படுத்தியுள்ளதாக அந்த அறிக்கையில் டெக் மஹிந்திரா தெரிவித்துள்ளது.