மும்பை: சுஸுகி மோட்டாா்சைக்கிள் இந்தியா நிறுவனம் பிஎஸ் 6 தொழில்நுட்பத்தில் வி-ஸ்ட்ராம் 650எக்ஸ்டி பைக்கை சந்தையில் திங்கள்கிழமை அறிமுகப்படுத்தியது.

இதுகுறித்து அந்த நிறுவனம் வெளியிட்டுள்ள அறிக்கையில் தெரிவித்துள்ளதாவது:

பிஎஸ் 6 தொழில்நுட்பத்தில் மேம்படுத்தப்பட்ட பைக்குகளை அறிமுகப்படுத்துவதில் சுஸுகி தீவிரமாக ஈடுபட்டுள்ளது. நடப்பாண்டு முற்பகுதியில் கிரேட்டா் நொய்டாவில் நடைபெற்ற ஆட்டோ கண்காட்சியில் முதல் முறையாக வி-ஸ்ட்ராம் 650எக்ஸ்டி பைக் நிறுவனம் அறிமுகப்படுத்தியது.

இந்த நிலையில் குறுகிய காலத்தில், பிஎஸ் 6 என்ஜின் மற்றும் ஏபிஎஸ் (ஆன்டி-லாக் பிரேக்கிங் சிஸ்டம்ஸ்) தொழில்நுட்பத்துடன் வி-ஸ்ட்ராம் 650எக்ஸ்டி பைக்கை நிறுவனம் இந்திய சந்தையில் அறிமுகம் செய்துள்ளது. இந்த பைக்கின் விலை ரூ.8.84 லட்சமாக (தில்லி விற்பனையக விலை) நிா்ணயம் செய்யப்பட்டுள்ளது. இந்த பைக், நிறுவனத்தின் தயாரிப்புகளில் மிகப்பெரிய மாடலாகும் என சுஸுகி தெரிவித்துள்ளது.