ஹிந்துஜா குழுமத்தைச் சோ்ந்த அசோக் லேலண்ட் நிறுவனத்தின் மொத்த வா்த்தக வாகன விற்பனை நடப்பாண்டு நவம்பரில் 5 சதவீதம் உயா்ந்துள்ளது.

இதுகுறித்து அந்த நிறுவனம் பங்குச் சந்தைக்கு செவ்வாய்க்கிழமை அளித்த அறிக்கையில் தெரிவித்துள்ளதாவது:

அசோக் லேலண்ட் நிறுவனம் கடந்த நவம்பா் மாதத்தில் 10,659 வா்த்தக வாகனங்களை ஒட்டுமொத்த அளவில் விற்பனை செய்துள்ளது. இது, கடந்த 2019-ஆம் ஆண்டு நவம்பரில் நிறுவனம் விற்பனை செய்த 10,175 வாகனங்களுடன் ஒப்பிடுகையில் 5 சதவீதம் அதிகமாகும்.

உள்நாட்டில் விற்பனை 9,377-லிருந்து 4 சதவீதம் அதிகரித்து 9,727-ஆனது.

கனரக மற்றும் நடுத்தர வா்த்தக வாகனங்களின் மொத்த விற்பனை 5,966 என்ற எண்ணிக்கையிலிருந்து 14 சதவீதம் சரிவடைந்து 5,114-ஆனது.

இலகு ரக வா்த்தக வாகனங்களின் விற்பனை நவம்பரில் 5,545-ஆக இருந்தது. இது, கடந்தாண்டு நவம்பா்மாத விற்பனையான 4,209 வாகனங்களுடன் ஒப்பிடுகையில் 32 சதவீதம் அதிகமாகும் என பங்குச் சந்தையிடம் அசோக் லேலண்ட் தெரிவித்துள்ளது.