வியாழக்கிழமை 19 செப்டம்பர் 2019

யெஸ் வங்கி பங்குகளை வாங்குவது குறித்து பேடிஎம் ஆலோசனை

DIN | Published: 11th September 2019 01:06 AM

யெஸ் வங்கி பங்குகளை இணை நிறுவனர் ராணா கபூரிடமிருந்து வங்குவது குறித்து டிஜிட்டல் பணப்பரிமாற்ற நிறுவனமான பேடிஎம் ஆலோசனையில் ஈடுபட்டுள்ளது.
இதுகுறித்து தகவல்கள் தெரிவிப்பதாவது:
யெஸ் வங்கியில் ராணா கபூர் மற்றும் அவருக்கு தொடர்புடைய நிறுவனங்களுக்கு சொந்தமாக 9.6 சதவீத பங்குகள் உள்ளன. 
இவற்றை கையகப்படுத்துவது தொடர்பாக, பேடிஎம் நிறுவனம் முதல்கட்ட ஆலோசனையில் ஈடுபட்டுள்ளது. 
பேடிஎம் நிறுவனர் விஜய் சேகர் சர்மா ஏற்கெனவே பேடிஎம் பேமண்ட் வங்கியில் சொந்தமாக பங்குகளை வைத்துள்ளதால், யெஸ் வங்கி பங்குகளை வாங்குவது தொடர்பான ஒப்பந்தத்தின் கட்டமைப்பு இந்திய ரிசர்வ் வங்கியின் ஒப்புதலைப் பொறுத்து அமையும் என்று அந்தத் தகவல்கள் தெரிவிக்கின்றன.
வாராக் கடனுக்கு அதிக அளவிலான தொகையை ஒதுக்கியதையடுத்து யெஸ் வங்கி  கடந்த மார்ச் மாதத்துடன் முடிவடைந்த காலாண்டில் முன்னெப்போதும் இல்லாத அளவுக்கு ரூ.1,506.44 கோடி இழப்பை சந்தித்தது. முந்தைய ஆண்டில் ரூ.1,179.44 கோடி லாபம் ஈட்டிய நிலையில் ஏற்பட்ட இந்த இழப்பு யெஸ் வங்கிக்கு பெரும் பின்னடைவாக கருதப்பட்டது.
இருப்பினும், நடப்பு நிதியாண்டின் ஜூன் மாதத்துடன் முடிவடைந்த காலாண்டில் யெஸ் வங்கி இழப்பிலிருந்து மீண்டு ரூ.114 கோடியை லாபமாக ஈட்டியது.
 

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் - பதிவு இலவசம்!

More from the section

சென்செக்ஸ் 642 புள்ளிகள் வீழ்ச்சி: முதலீட்டாளர்களுக்கு ரூ.2.72 லட்சம் கோடி இழப்பு
கச்சா எண்ணெய் விலை உயர்வு எதிரொலி: சென்செக்ஸ் 642 புள்ளிகள் வீழ்ச்சி
ஹீரோவின் மின்சார சைக்கிள்...
வருங்கால வைப்பு நிதி வட்டி விகிதம் அதிகரிப்பு
ஆகஸ்ட் மாதத்துக்கான பணவீக்கம் மாற்றமின்றி 1.08 சதவீதமாக நீடிப்பு