புதன்கிழமை 22 மே 2019

எல்ஐசி ஹவுசிங் பைனான்ஸ் லாபம் ரூ.693 கோடி

DIN | Published: 05th May 2019 01:30 AM

எல்ஐசி ஹவுசிங் பைனான்ஸ் நான்காம் காலாண்டில் ரூ.693.58 கோடி நிகர லாபம் ஈட்டியுள்ளது.
 இதுகுறித்து மும்பை பங்குச் சந்தையிடம் சனிக்கிழமை அந்த நிறுவனம் தெரிவித்துள்ளதாவது: கடந்த மார்ச் மாதத்துடன் முடிவடைந்த நான்காவது காலாண்டில் (ஜனவரி-மார்ச்) எல்ஐசி ஹவுசிங் பைனான்ஸ் நிறுவனத்தின் மொத்த வருவாய் ரூ.4,655 கோடியாக இருந்தது. இது, முந்தைய 2017-18 நிதியாண்டில் இதே கால அளவில் ஈட்டிய வருவாய் ரூ.3,887 கோடியுடன் ஒப்பிடுகையில் அதிகம். நிகர லாபம் ரூ.594.34 கோடியிலிருந்து 16.70 சதவீதம் அதிகரித்து ரூ.693.58 கோடியானது.
 கடந்த 2018-19 முழு நிதியாண்டில் நிகர லாபம் ரூ.2,430.97 கோடியாக அதிகரித்துள்ளது. 2017-18 நிதியாண்டில் நிகர லாபம் ரூ.2,002.50 கோடியாக காணப்பட்டது.
 எல்ஐசி ஹவுசிங் பைனான்ஸ் இயக்குநர் குழு கடந்த நிதியாண்டுக்கு 380 சதவீத ஈவுத்தொகை வழங்க அனுமதி அளித்துள்ளது. இதையடுத்து, நிறுவனத்தின் பங்குதாரர்களுக்கு ரூ.2 முகமதிப்பு கொண்ட பங்கு ஒன்றுக்கு ரூ.7.60 ஈவுத்தொகையாக கிடைக்கும். வரும் ஆகஸ்ட் 28-ஆம் தேதிக்குப் பிறகு இந்த ஈவுத்தொகை கிடைக்கும் என மும்பை பங்குச் சந்தையிடம் எல்ஐசி ஹவுசிங் பைனான்ஸ் தெரிவித்துள்ளது.
 
 
 

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் - பதிவு இலவசம்!

More from the section

அமெரிக்காவின் நெருக்கடிகளை சமாளிக்க ஹூவாவெய் தயார் நிலையில் உள்ளது: ரென் செங்ஃபெ
வருவாயில் ஐஓசி-யை விஞ்சி முதலிடத்தை பிடித்தது ரிலையன்ஸ் இண்ட்ஸ்ட்ரீஸ்
ஹுண்டாய் வென்யூ கார் அறிமுகம்
ஜெட் ஏர்வேஸில் முதலீடு: ஹிந்துஜா குழுமம் ஆலோசனை
சுந்தரம் பிஎன்பி பரிபா லாபம் 64% உயர்வு