ஹிந்துஸ்தான் யுனிலீவர் நிறுவனம் ஜனவரி-மார்ச் வரையிலான நான்காவது காலாண்டில் ரூ.9,809 கோடி வருவாய் ஈட்டியுள்ளது. கடந்த 2017-18 நிதியாண்டில் இதே கால அளவில் ஈட்டிய வருவாய் ரூ.9,003 கோடியுடன் ஒப்பிடுகையில் இது 8.95 சதவீதம் அதிகம்.
மதிப்பீட்டு காலாண்டில் நிறுவனத்தின் மொத்த செலவினம் ரூ.7,181 கோடியிலிருந்து 8.13 சதவீதம் அதிகரித்து ரூ.7,765 கோடியைத் தொட்டது. நிகர லாபம் ரூ.1,351 கோடியிலிருந்து 13.84 சதவீதம் உயர்ந்து ரூ.1,538 கோடியாக இருந்தது என பங்குச் சந்தை ஒழுங்காற்று அமைப்பான செபியிடம் ஹிந்துஸ்தான் யுனிலீவர் வெள்ளிக்கிழமை தெரிவித்துள்ளது.