இந்திய ரயில்வே உணவு-சுற்றுலாக் கழகம் (ஐஆர்சிடிசி), பங்கு வெளியீட்டில் களமிறங்க ஆயத்தமாகியுள்ளது.
இதற்காக அந்த நிறுவனம், புதிய பங்கு வெளியீட்டுக்கு அனுமதி கோரி இந்திய பங்கு மற்றும் பரிவர்த்தனை வாரியத்திடம் (செபி) விண்ணப்பித்துள்ளது.
இப்புதிய பங்கு வெளியீட்டின் மூலமாக ரூ.10 முகமதிப்பு கொண்ட 2 கோடி பங்குகள் விற்பனை செய்யப்படவுள்ளன.
இதன் மூலம், ரூ.500-600 கோடி வரை மத்திய அரசுக்கு கிடைக்கும் என சந்தை வட்டாரத் தகவல்கள் தெரிவிக்கின்றன.
ஐஆர்சிடிசி-யின் புதிய பங்கு வெளியீட்டை ஐடிபிஐ கேபிட்டல் மார்க்கெட்ஸ் & செக்யூரிட்டீஸ், எஸ்பிஐ கேபிட்டல் மார்கெட்ஸ் மற்றும் யெஸ் செக்யூரிட்டீஸ் (இந்தியா) ஆகியவை நிர்வகிக்க உள்ளன. ஐஆர்சிடிசியின் பங்குகள் மும்பை மற்றும் தேசிய பங்குச் சந்தையில் பட்டியலிட திட்டமிடப்பட்டுள்ளது.