விழுப்புரம் மாவட்டம் மேல்மலையனூா் அங்காளம்மன் கோயிலில் அமைச்சா் செஞ்சி மஸ்தான் திங்கள்கிழமை ஆய்வு மேற்கொண்டாா்.

விழுப்புரம் மாவட்டத்தில் பிரசித்தி பெற்ற இக்கோயிலில் தினந்தோறும் ஆயிரக்கணக்கான பக்தா்கள் வருகை புரிந்து வருகின்றனா். மாதந்தோறும் நடைபெறும் அமாவாசை ஊஞ்சல் உற்சவத்தில் சுமாா் ஒரு லட்சம் பக்தா்கள் கலந்து கொள்வது வழக்கம். இந்நிலையில் கோயிலுக்கு வருகை தரும் பக்தா்களுக்கு தேவையான அடிப்படை வசதிகளான குடிநீா், கழிப்பறை, பாதுகாப்பு உள்ளிட்ட வசதிகள் குறித்து அமைச்சா் செஞ்சி மஸ்தான் திங்கள்கிழமை திடீா் ஆய்வு மேற்கொண்டாா்.

அப்போது, கோயில் நிா்வாகம் சாா்பில் பக்தா்களுக்கு வழங்கப்பட்டு வரும் பிரசாதத்தை அமைச்சா் ஆய்வு செய்து, பக்தா்களுக்கு வழங்கினாா். அடிப்படை வசதிகளில் குறைகள் இல்லாமல் பாா்த்துக்கொள்ள வேண்டும் என அதிகாரிகளை அறிவுறுத்தினாா். 200 ஆண்டுகள் பழைமை வாய்ந்த கோயில் வரலாறு குறித்த ஓலைச் சுவடிகளை அமைச்சா் செஞ்சி மஸ்தான் பாா்வையிட்டு அதில் எழுதியுள்ள விவரங்களை ஓலைச்சுவடி ஆய்வாளா் சந்தியாவிடம் கேட்டறிந்தாா்.

ஆய்வின் போது, மேல்மலையனூா் திமுக கிழக்கு ஒன்றியச் செயலா் நெடுஞ்செழியன், மயிலம் வடக்கு ஒன்றியச் செயலா் மணிமாறன், இந்து சமய அறநிலையத்துறை உதவி ஆணையா் ஜீவானந்தம், அறங்காவலா் குழு தலைவா் சந்தானம், பொதுக்குழு உறுப்பினா் செல்வராஜ், அறங்காவலா்கள் செந்தில், தேவராஜ், செல்வம், சரவணன், வடிவேல், ராமலிங்கம் உள்ளிட்டோா் கலந்து கொண்டனா்.