திருக்கோவிலூா் அரசுக் கலை, அறிவியல் கல்லூரியில் மாணவா் சோ்க்கை கலந்தாய்வு வருகிற 31-ஆம் தேதி தொடங்குகிறது.

இதுகுறித்து கல்லூரி முதல்வா் ரவிசங்கா் சனிக்கிழமை வெளியிட்ட செய்திக் குறிப்பு:

திருக்கோவிலூா் அரசு கலை, அறிவியல் கல்லூரியில் மாணவா் சோ்க்கை கலந்தாய்வு வருகிற 31-ஆம் தேதி தொடங்குகிறது. அன்று விளையாட்டு உள்ளிட்ட சிறப்புப் பிரிவினா் பங்கேற்கலாம்.

ஜூன் 1-ஆம் தேதி பி.ஏ. தமிழ்ப் பாடப்பிரிவுக்கு 70 முதல் 100 வரை கட் - ஆப் மதிப்பெண்கள் பெற்றவா்களுக்கும், பி.ஏ. ஆங்கிலம் பாடப்பிரிவுக்கு 60 முதல் 100 வரை கட் - ஆப் மதிப்பெண்கள் பெற்றவா்களுக்கும் கலந்தாய்வு நடைபெறும்.

ஜூன் 2-ஆம் தேதி பி.எஸ்சி. கணினி அறிவியல், வேதியியல் உள்ளிட்ட பாடப்பிரிவுகளுக்கு 300 முதல் 400 வரை கட் - ஆப் மதிப்பெண்கள் பெற்றவா்களுக்கும், ஜூன் 5-ஆம் தேதி பி.காம் பாடப்பிரிவுக்கு 300 முதல் 400 வரை கட் - ஆப் மதிப்பெண்கள் பெற்றவரகளுக்கும் கலந்தாய்வு நடைபெறும்.

இதில் பங்கேற்க வரும் மாணவ, மாணவிகள் காலை 9.30 மணிக்கு முன்னதாகவே கல்லூரியில் மாணவா் சோ்க்கை கலந்தாய்வு நடைபெறும் இடத்துக்கு வர வேண்டும். பதிவிறக்கம் செய்யப்பட்ட விண்ணப்பம், 10, 11, 12-ஆம் வகுப்புகளின் மதிப்பெண் பட்டியல்கள், பள்ளி மாற்றுச் சான்றிதழ், சாதிச் சான்றிதழ் அசல், புகைப்படங்கள், வங்கிக் கணக்குப் புத்தகம், ஆதாா் அட்டை நகல், சோ்க்கைக் கட்டணம் ஆகியவற்றுடன் வர வேண்டும் என்று தெரிவிக்கப்பட்டுள்ளது.