விழுப்புரம் மாவட்டம், காணையில் மாற்றுத்திறனாளி மாணவா்களின் பெற்றோா்கள் மற்றும் அங்கன்வாடி மையப் பணியாளா்களுக்கு வெள்ளிக்கிழமை புத்தாக்கப் பயிற்சி அளிக்கப்பட்டது.

ஒருங்கிணைந்த பள்ளி கல்வித் திட்டத்தின் சாா்பில், காணை வட்டார வளமையத்தில் மாற்றுத்திறனாளி மாணவா்களின் பெற்றோா்கள் மற்றும் அங்கன்வாடி மையப் பணியாளா்களுக்கு புத்தாக்கப் பயிற்சி அளிக்கும் நிகழ்ச்சி நடைபெற்றது.

பயிற்சியை வட்டார வள மைய மேற்பாா்வையாளா் ஆரோக்கிய அனிதா தொடங்கி வைத்தாா். மாவட்ட ஒருங்கிணைப்பாளா் சிலம்பரசன் பயிற்சியைப் பாா்வையிட்டாா். குழந்தைகளின் வளா்ச்சிப் படிநிலைகள் எனும் தலைப்பில் நடத்தப்பட்ட பயிற்சியில் இயன்முறை மருத்துவா் தே.சௌந்தரராஜன், சிறப்புப் பயிற்றுநா்கள் லியோனி, விஜயலட்சுமி, சரண்யா ஆகியோா் கருத்தாளா்களாக செயல்பட்டனா்.

இதில், ஆசிரியப் பயிற்றுநா் கோபாலகிருஷ்ணன், குமாா், மாற்றுத்திறனாளி மாணவா்களின் பெற்றோா்கள், அங்கன்வாடி மையப் பணியாளா்கள் பங்கேற்றனா்.